墾丁之旅(4)

6月9日(星期二)~係墾丁既第一場過雲雨後~我地正式出發是日行程 lunch過後就先去"大灣沙灘"視察一下~由於大灣+小灣沙灘 都係遊客好方便去到既地方~所以唔會話靚得去邊囉~大灣唔ok 我地隨即向小灣沙灘出發~繼續沿墾丁大街走到尾段 天氣真係好好~而且太陽都好猛烈..完全有辣肉既感覺架
依個係New Port~所謂既遊客中心~地方唔係好大..無咩野行呢

旁邊會有間"小馬租車"~不過負責人唔係道~我地都無得比較一下 最終決定幫襯返之前問果間"帥哥租車"~果個老闆娘都好唔錯架 墾丁大街尾段就有2間酒店~分別係"福華"及"凱撒" 當初諗住如果真係book唔到民宿..就會book返酒店囉 真係再無既~好..咁就一齊瞓沙灘啦 小灣沙灘係"凱撒"接管~部份用作私人海灘 不過我地都可以去公眾果邊玩架 沿木梯而下~會有間Pub呢 不過因為離民宿都幾遠下~所以夜晚無黎飲野lu 環境真係好舒服~由其係海邊聽住浪聲+睇星星 到達小灣沙灘啦~依個叫"青蛙石"喎 係墾丁既石..一定要有點幻想力先feel到架 游水既人都ok唔會話太多~不過沙灘都係一般靚呢 亦設有水上活動~有幾個組合選擇~單項玩又得~幾項玩又得 無記錯NT$600/3項~有得五揀三(包括香蕉船,水上電單車等等) 不過我地無玩啦..以前係泰國都玩過晒~依家興趣不大 另外去到沙灘就有人撩你租傘~我地睇晒先揀 之前開價NT$300~再還價(NT$200)~最終是但啦..租個位囉 再sell我地租水泡~阿喂話好得意ma~是但啦又租埋囉(NT$200) 依個雙人水泡~唔落水都唔知原來玩得咁鬼吃力架 定係我同阿喂協調唔到呢..玩左陣就無玩lu 租傘果個人其實都幾好人架~話會順便幫我地睇埋野喎 不過我地都無帶貴重野~所以都好放心囉~另外依堆水泡 話比我地任玩~之後唔玩雙人水泡~各自玩返浮板..爽好多 (待續)

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================