墾丁之旅(3)

6月9日(星期二)~順利入到墾丁~總算又順利搵到.. 所剩無幾既心水民宿"希臘風情"~我地放低行李攪掂晒之後 原來都差不多2點lu~老闆嗌晒肚餓啦~無投訴..無投訴!! 即刻加快出去食野先~我地係墾丁既第一餐揀左去"吳師傅魯味"
睇過部份網友去完都話好味ma~所以又去試下囉 食物以重量計~老闆會比個篩你揀好食物~再磅重收錢 一人一個麵~檯上仲有支叫"南洋獨門蛇辣"..真係又好夠辣喎 我要個公仔麵~口感一般啦 阿喂要個冬粉..都係一般 什錦魯味..揀左金菇,豬耳,鴨腎,蘿蔔,冬菇,豬粉腸等等 個人覺得..食物唔係講得咁好食~只係一般咁呢 我要多隻魯蛋添 爆熱既天氣~飲返支啤酒先~不過原來我飲依隻啤會頭痛 試過2次都係咁~所以往後我無再飲佢lu 依餐消費比想像中貴~食物都係好一般(NT$500) 食完之後..先去問下租機車既事宜~亦因為之前有港人發生意外引致死亡 所以我地去問既時候~老闆娘第一句就話睇睇我地個國際駕駛執照 然後先放心同我地傾咩車咩價錢~我地會連續租2日..所以會平過1日呢 問完行到半路就黎落雨啦~所以要先返民宿避雨囉 WOW..過雲雨走晒~我地就出發第一個行程啦~先安排依半日 會去沙灘游水+曬太陽~大灣沙灘離民宿唔遠~所以先過去睇睇 大灣/小灣既沙灘~因為比較容易去到~人多既自然就唔靚啦 所以我地唔係道游lu~再轉去小灣睇睇個沙灘先 (待續)

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================