大馬之旅@吉隆坡(30)

  5月9日(星期日)~夜晚食完"lok lok"..影埋夜景 繼續出發去"文良港"既"Steven's Corner"食"正宗地道印度菜"
店內全由印度人煮理~地方好大..依邊係廚房煮食區 而右手邊係好大範圍既座位區~仲有大銀幕播放球賽中 交由大馬朋友負責點食物呢..飲品特別order全部走甜 其實都有少少甜..但好ok! 阿喂既"limau ais"(青檸冰) 流浪影子既"neslo"(nescafe+milo)..味道都分別得出~好飲喎! 我同小寶要"teh ais"(拉茶)~之前係某地方有飲過拉茶 味道一樣~茶香同奶味好平均..好好飲 "roti tisu"..依個尖既脆餅係甜架~不過要襯熱食 伴咖喱汁..不過我覺得就咁食正d 由阿喂開封..外層無咁甜~而內層中心就會再甜d "roti canai"(薄餅) 同平時煎既急凍印度薄餅好似喎~內裡鬆鬆外層脆脆..好好味 伴薄餅既有"kari ikan"(咖喱魚) "kari dal"(咖喱豆)~2個咖喱汁都唔錯~魚既味會香濃一點添 之前係重慶大廈買過印度咖喱返屋企煮~味道好重香料藥味 而口感都會比較鞋唔幼滑~但依間地道印度人整既又無喎 "sotong goreng"
依個魷魚好正~非常惹味香口 "naan cheese"..wow~見到d芝士已經發晒青光 wow..d芝士多到呢..直頭漏晒出黎~大啖一口咬落去 wow..溶化芝士夾雜軟綿綿烤餅~芝士帶點拉扯既感覺 烤餅軟得有點似海綿口感~簡直有點糾纏..正到不得了 真係非常極之正既一個芝士烤餅~令人回味無窮呢 食完睇埋場波時候都唔早~大馬朋友送我地返酒店 亦正式同佢地道別呢~雖然留係吉隆坡既時間唔多 但始終要再講..多謝+麻煩晒幾日黎既招待 (待續)

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================