大馬之旅@吉隆坡(29)

  5月9日(星期日)~半日行程完晒..我地就返酒店梳洗一下 再約好大馬朋友帶我地去SS2區食榴槤~依個時間未算當造 所以榴槤檔唔多~雖然見依間寫住"任您吃到飽"(=任食) 但因為來貨未盛~所以會逐個榴槤計錢~聽朋友講如果做任食呢 價錢好平..大約RM9-10就可以任食~wow..真係平到笑呀
我地大約食左4-5個~其中一個食到最尾一瓣~阿喂發現有蟲蛋 之前聽家姐講試過係CWB買榴槤有蟲~今次我都係第一次遇上 有蟲既榴槤=無農藥ma~雖然都幾恐怖~好在無影響唔敢再食囉 品種得"D101"~我覺得幾似泰國甲倫 核大肉薄..但都好有榴槤味 食完再係SS2區四圍行下~終於見到"甜品哥哥"了 對面就係SS2美食中心~地方好大..有室內+室外座位 食店多的是~不過室外會坐得舒服D..因為空氣流通D 再出發去SS24區行..順便行下當地既夜市 夜市都幾似花園街~除左有小食/生果檔仲有好多貨品檔 依個OTAK OTAK係電視/雜誌就睇得多 終於可以親身一試啦 個味濃得有D似食香腸~而口感就軟軟的 打開會聞到燒葉既香味~夾雜係肉條中 行完夜市..就係甲洞區搵"流動車仔檔"食LOK LOK 車仔檔會有好多唔同既串串食物 自助形式..隨便揀好食物就可以淥食 仲會有醬料提供 除左淥食之外~仲可以叫老闆燒烤 邊食邊淥又得..食完先再淥又得~依類形式既檔口第一次試 之前行夜市時有見過~仲見D當地人好熱愛係咁淥淥食食 食物種類好多~有海鮮/肉類/菜類/丸類等等~個菜我覺得好正 而青口就揀燒烤食~蝦+雲吞伴多多辣醬~又係好正 流動車旁會放臨時檯櫈方便坐住食~依隻魚蛋好正~魚肉好彈牙 另外阿喂點左燒豬腸~老闆既燒功好有水準~脆卜卜又好香口 價錢方面會以竹籤顏色收費~食完食夠..老闆先會同你計數呢
(待續)

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================