大馬之旅@吉隆坡(24)

  5月8日(星期六)~去完"Putrajaya"~準備出發食晚飯 原來"流浪影子"已經book定檯~同我地去"Bangsar Venicia"餐廳 依間餐廳係Bangsar區..屬吉隆坡既富裕住宅區~而去依間餐廳食飯 需要有通行証+登記先可以入去呢~坐底後送上小食..後面果碟好開胃的

"Sambal蝦"..馬來西亞既sambal真係好好食~唔辣帶甜仲好惹味 "四大天王"..依個同"阿羅街"食果個味有少少唔同 依個都好好味~但"明記燒魚"果個會爆得再香濃一點 "馬拉盞炒通菜"..依個又係好正~馬拉盞味道好香 "Asam蒸石斑"..依個醬汁係香港既東南亞店買過黎整餸 味道差不多(=都幾貼近)..同樣唔辣但帶酸甜~好開胃 原本"流浪影子"預留左3隻蟹~不過連日食到有點呆呢 所以建議改整兩隻已經好夠~用兩種唔同食法~先黎"辣子炒蟹" 隻蟹好新鮮而且都幾巨~個汁正到不得了..好開胃   "甘香炒蟹"..之前食過"甘香啦啦"~已經好鐘意甘香既味道 依間既甘香仲更加濃烈~有回甘既感覺..真係整得好正 個醬收晒汁..溶晒入蟹身~整得好入味..好正好甘香 最後有"生果"~整體依間食店既食物都好good+好好味 地方都坐得好舒服~期間仲見到電視介紹"荃加福祿壽"喎 餐廳門口位置 飯後影完夜景~就提議去大馬朋友屋企"家訪"~傾下講下 順便上"航空公司"個網online check in埋~就返酒店休息lu (待續)

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================