Perhentian Island(13)

  5月6日(星期四)~依日瞓到8點先起身~梳洗完就出去食早餐 邊食邊hea上網~等到差不多10點~就係Lobby等船家黎接我地 第二日浮潛~換上另一班遊客..一個巴黎猛男..一對馬拉情侶 一行五人齊齊浮潛~同前一日一樣~上船先同大家打個招呼 不過依日既遊客就nice好多又好傾好多~所以玩得都特別開心 由其個巴黎猛男好鬼馬+好攪笑~而對馬拉情侶..2個都好好人 一齊玩既同時~大家互相幫助又傾下講下~整個浮潛都好溶入呢 ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ 依日幾個浮潛點都好清好靚又多魚~珊瑚又係好多
第一個浮潛點..d水好清好靚 掉d麵包落去~就吸引一大堆魚湧晒過黎搶食 d魚多到呢..落左水完全比魚圍既感覺~仲有好多大魚係水底添 第二個浮潛點去返前一日既海中心~大家都覺得水流好急 好難游又要用好多氣力先得~第三個浮潛點..去追海龜 OH..忘了前一日原來都有去追海龜喎~仲見到隻巨海龜 size係大過一個救生水泡~真係好得意~係水面浮下浮下 好似知道有遊客黎~所以出黎表演一下~而依日浮潛 就追住水底隻細海龜~都有一呎size大..真係好得意

依間就係Perhentian Island Resort~依邊既環境好好 而且d水質仲好靚好清~Resort睇上去都好大好靚呢 Snorkeling Trip介紹會去shark point~我連續2日都同阿喂講 我一定一定唔落水架~話晒鯊魚喎..一陣無啦啦咬我咪死 不過依家應該唔多船家會同遊客去囉(可能無都未定) 始終都有危險性~所以最後去左個小沙灘~咁就安心晒啦 仲有其他遊客跟trip黎玩~小沙灘範圍好細+無resort 所以純粹黎游水~自然生態就唔會受到好大破壞 真係靚絕既一個地方~仲有好多手掌咁大size既魚 不過唔驚人架~如果固定唔郁呢~就以為你食得..咬你架 阿喂咪試過定左型又露出兩點~咪比魚咬左其中一點囉 依個沙灘真係人間天堂~可惜玩得唔耐(around30分鐘)就回程 臨走再同船家傾2句道別說話~多謝佢帶我地去左咁多靚地方 佢話記得下次再黎~依個地方真係好靚好好玩咁話喎 (待續)

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================