Perhentian Island(1)

  5月3日(星期一)~是日正式出發"大馬8天之旅" 今次行程安排會分成兩部份~頭半部會出"外島"享受陽光與海灘 後半部返吉隆坡探朋友~而外島揀選左"Perhentian Island" 依個外島對大部份香港人黎講會覺得陌生~未係熱門旅遊點 亦因為外島依然keep住純樸及原始~正正我鐘意佢未過度開發 人流唔會太多..污染相對都少d呢~不過去依個島都要幾經轉折 要坐齊海陸空三種交通工具先去到~唔講咁多~依家正式出發先 因為48小時前已經網上check in~所以依日可以晏少少到機場 是日乘坐CX723國泰航空直飛吉隆坡國際機場..起飛時間為8:50am
本身對國泰航空都好有信心~包括坐位寬闊度,空中服務 娛樂及餐飲都做得相當好~而且電影都好新又好多選擇 準時起飛無耐就先黎個drink~之後好快就開始派飛機餐 我地都好肚餓呀~因為朝早無時間食早餐~我要個"雞肉飯" 雞肉飯好味~不過我食左2啖就留定比阿喂~因為知佢實唔夠飽   生果好新鮮..good good good!! 阿喂既"奄列配牛肉腸"~份量唔夠佢食~加埋我個飯就好ok 食完飯..hea一陣~望下天又睇套戲~3個鐘好快就過lu 開始見到陸地啦~YOHO..心情好興奮 好鐘意從好高處望陸地~唔同地方有唔同既版圖圖案 oh..個藍色既湖好靚呢~話咁快 我地就正式降落吉隆坡國際機場lu (待續)

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================