隨影@人物

  依次旅程..有幸快拍到部份人物照片~有時影人都幾緊張 因為好似係檳城既華人~部份見你舉機都會走開或者轉身躲避 反而印度人比我地既感覺更為熱情~就算唔舉機只係經過 都會即場表演一下..fing餅或者拉茶~雖然係生意技倆之一 但都會樂在其中~由其表演時..聽見我地"we嘩鬼笑"既反應 都會好開心一齊笑呢~依張攝於"batu ferringhi~sidewalk bazzar"
關仔角..印度小檔 關仔角..華人小檔 關仔角外..賣藝~依個係真人..只要你放錢去個兜兜 佢會做一個動作~其餘時間..基本上都keep住咁樣呢 Air Itam..參觀完"極樂寺"~去食Laksa Asam 不停烹煮一碗接一碗湯麵..老闆見我地食完後 忙碌中依然笑問"好吃嗎?"~我地就好似學生 大聲回答"很好吃啊"~見老闆從心而笑出來呢 眼見雙手不停重覆同一動作~湯匙並不輕 熱湯更是滾滾的~即時聯想年月累積不少勞損 抵達Langkawi第一日..Artisans Pizza食lunch隔離檯 依個小孩真係好得意~香港好難再見到咁可愛既童真
好好笑容..只要你望住佢~就會對住你笑 喬治城free walk..經過一間印度餐廳~依個印度人 即時表演拉茶..引得我地we嘩鬼笑~而另一個店員 又即席示範烤naan~睇住脹起果刻..大家又狂叫狂笑 經過印度廟時~當晚好多信徒係廟內呢 free walk..街頭小吃 南部漁村=食燒海鮮~見有幾個村民..經過同佢地傾下計呢 後來佢地仲請我食檯上既"炸香蕉"~真係好窩心既一次接觸 依道既村民真係感覺好NICE..好熱情而且好純樸呢 未食燒海鮮..再去埋最盡頭南部漁村~見有2個漁民忙於捕魚 一問之下..話因為聽日有朋友黎~所以捕魚聽日出海釣魚 依道既生活~真係講不出既悠閒 而見到佢地既生活..更不禁令人心情放鬆 Langkawi既Rojak小檔 檳城..wet market~一大清早好熱鬧好多人 開蠔仔阿叔..都忙個不停呢

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================