檳城之旅(8)

  10月10日(星期日)~離開"進福飲食中心"..又繼續free walk 沿途經過"Sri Mahamariamman Temple"(印度廟)   停下來影影相先
入面佈置得好有特色~依晚好多印度人係廟內 所以為免打擾~只係門外影幾張相就算呢 再沿路行..又發現有飲食既地方 因為要留肚食印度餐~所以只係入去飲杯鮮果汁 我要"荳蔻汁"~wow..完全飲到係鮮榨果汁 比第一餐果杯"荳蔻糖水"~真係差天拱地 真正既"荳蔻汁"原來咁好飲咁好味呢 "Nasi Kandar Line Clear"..依間聽聞都好有名 不過基於環境衛生問題~大家都無打算幫襯 我地過左旁邊既"Nasi Kandar Yasmeen" 每次出走前~都習慣學定少少當地語做準備 起碼去到無英文menu既餐廳~都識睇識叫食物呢 既然學左就要玩下啦~limau ais..kurang manis (青檸冰..少甜)~見個印度人聽完係道mi mi笑 "Cheese Naan with Ayam"..(芝士烤餅配雞) 佢地d雞醃得好紅色~不過味道唔錯..乾得黎又唔會柴皮 芝士烤餅好軟綿綿~不過如果再多d多d芝士就更加正 青紅咖喱~大家都覺得"紅咖喱"味道吸引好多
唔夠喉~再叫2塊"Cheese Roti"+1塊"Roti" 即整即烤..好鬆好好味~不過多d芝士就更好呢
依餐好平..大約食左RM23.5~食完就行返酒店lu 9pm解散各自上房休息~約定大家聽日7:15am Lobby準時集合 (待續)

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================