檳城之旅(5)

  10月10日(星期日)~食完早餐..約好大家9:15am係Lobby集合 等齊人先去買Langkawi來回船票~之後再出發去"極樂寺"參觀 去程有少少塞車~不過唔係好嚴重~好順利10:15am就去到lu "極樂寺"泊車要收RM2~不過為左泊車..竟然要我晨早動氣 事緣個收費員問我攞錢時~咁岩比我見到佢收另一個local RM1 於是我咪一輪咀問佢咩原因? 咩事收我地RM2..佢地就收RM1 係咪因為我地唔係本地人~所以咁樣對我地! 個收費員無言以對 最終面懵懵叫佢地比多RM1~果2個Local即時好唔順氣怒啤住我 收費員再返黎問我攞錢時~比我鬧多佢幾句~真係火都黎埋 並唔係錢既問題~係因為我覺得唔公平..就一定會出聲囉 係"極樂寺"解散後..再約返大家11點集合
之後再上山既盡頭.."Air Itam Dam" 環境好舒服而且空氣非常清新..好有清香草味 依架係我地第一日~係機場租既7人車 "NEW BOB"租車公司既車種~好新淨又乾淨
睇完風景~我地返山腳食Asam Laksa
依間大馬朋友推介的~原來阿喂睇韜韜個飲食節目 有介紹~不過我無睇到~所以阿喂去到就話認得喎 剛好去到有檯客走~我地剛好佔成張檯~真係坐無虛席 "Asam Laksa"~我同阿喂share一碗~味道酸酸又夠濃郁 而且仲好多魚蓉+好有魚香味~真係好惹味又醒胃..正! 粉條仲好滑口..正! 旁邊有檔賣"甘庶汁"..一人一杯~味道唔太甜~唔錯呢 食完回程途中~再轉入其中一條小巷 打算搵榴槤檔~點知阿叔話過晒當造期..無得食lu 所以再順住出發下一站"Midlands Mall" OH..真係不行也罷~仲浪費左RM3停車場 既然無野行..即刻又準備同大家去食個lunch呢 (待續)

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================