檳城之旅(11)

  10月15日(Happy Friday)~依日行程計劃..會向"南部"出發 去最南部既漁村參觀~另外會搵一間燒海鮮既海邊檔口 南部既路比北部複雜~沿路去到某個位置~都要停一停問路 好在..距離要去既目的地好近~不過南部既路牌好唔清晰 路標未必會順我地方向睇到~反而反方向先會留意到囉 到去"Adnan Bin Hassan"(=燒海鮮檔口)~環境真係好好 好寧靜而且村民好純樸~不過6點先開檔~所以我地繼續南下 去埋最南部既漁村參觀~之後先再回程返黎食燒海鮮
6點開檔lu~在座全部都係當地人..專程開車黎食海鮮 依個炭爐真係熱得要命~好佩服燒烤人員..可以忍耐依種高溫 全部新鮮海鮮..即點即燒 望見隔離檯既馬拉人叫依個飲品..問下咩黎呢 原來係"椰子奶昔+菠蘿雪糕"~我地即刻order黎試下 用新鮮椰子取汁整成~再放上雪糕~真係好清甜好好飲 好快..海鮮就燒好lu~一人一隻"大蝦" 啖啖肉再配埋跟上既醬汁~真係好正 "燒蟹"..有2隻好好膏~肉質好鮮甜爽彈 "燒魚"..魚肉面放上醬料同燒..燒得好乾身好靚 肉質仲keep得好juice呢 再係對面檔order"司蛤"..好好肉 "炒蜆"..依個都唔錯~依餐總消費RM107 食完燒海鮮已經入黑lu~我地回程順便去行下Tesco 買定2支紅酒~晏d返酒店邊飲邊傾下計呢 (待續)

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================