檳城之旅(10)

  10月15日(Happy Friday)~前一晚係"RED GARDEN"食完飯 好早就返酒店休息~依早約定9:00am集合~之後出發換錢+租車 不過太早d租車公司好多都未開~有開既又無得安排係機場還車 有d無晒7人車出租~有d價錢超貴..又要比credit card唔收cash 所以差不多行左一個半鐘..又熱又曬~真係辛苦晒團友們呢 最終都係搵返New Bob公司~call佢搵架7人車黎酒店比我地 今次安排左架再大少少既7人車(RM372/日)~直接係機場還車
擾擾攘攘11:45am先可以出發~先安排去食lunch 我地叫左個六人份量既"肉骨茶"..食材樣樣要d 跟上油條 "芋頭飯"..原本以為係跟肉骨茶送上~點知原來要收錢 因為佢無問無講就拎左6個飯黎~個個只係食左半碗 如果知要收錢..寧願叫3個試下囉~個飯都幾好味 好香芋頭而且好入味~不過阿喂就唔太鐘意食喎 "芽菜"..脆卜卜~整體依間標榜攞獎既食店 我覺得個肉骨茶都唔係講到咁特別好味囉 食完lunch再去景貴街食Cendol

老闆娘見我地多人~所以叫我地入室內坐住食
第一次食cendol..味道唔錯   仲有好香椰糖既味道 之後出發行程..第一日黎既時候上左"北部"~依日就去"南部" 準備途經檳威大橋~因為地圖路線都幾多~所以掛住睇地圖 叫阿喂keep住行~點知原來地圖同路面指示有出入 就係咁..無啦啦帶錯路~去左"檳威大橋"..遊橋河 阿Q精神..遊覽下都唔錯呢~檳威大橋好靚呀 出左橋..即時轉返上橋~準備返檳城(過橋費RM7) (待續)

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================