檳城+浮羅交怡8天之旅

  10月9日 - 10月16日..(檳城+浮羅交怡8天之旅) 一年前約定埃及團友~希望今年一齊再去旅行~年頭夾好假期 等到8月..我地先正式約出黎傾下大家想去邊個地方玩~老實講.. 人多免意見多的話~我比較主張跟團~因為要組成六人自由行 要配合唔同需求的確係有難度~正如我地愛游水~部份團友原來一般 又正如我想去既景點地方~又唔可以只顧自己而忽視團友既意向 所以都會有顧慮~但我明白阿喂想自由行~因為自由度大好多 但始終唔同得我地2個人去~2個人呢..基本上我話晒事~哈哈! 8月既飯局原本投票跟團去印度..可惜世紀病菌最終要否決 唯有了解下大家想玩咩..再諗地點~慶幸..即晚可以鎖定去檳城 大家想要..有得食/有得玩水/有得shopping咁呢~地點決定好 打後既事就交由我跟進(酒店package/交通/吃喝玩樂/行程安排) 開行Turbo..一切準備就緒~上星期四..應團友要求約食飯+開茶會 一行六人之"檳城+浮羅交怡8天之旅"~今日正式出發 今次要擔任領隊+導遊+人肉GPS既工作~而阿喂要擔任司機 祈望旅程一切順順利利..大家玩得開開心心..重陽節平安歸隊

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================