吉隆坡之旅(21)

  3月20日(星期日)~Day 8..下午離開馬六甲~回程返吉隆坡 之前阿喂話想食肉骨茶~大馬好友"流浪影子"安排回程時 去吧生既"直落玻璃瓦煲肉骨茶"試下呢
吧生肉骨茶特別之處.."自助茶水"
依餐份量感覺好多~每樣少少加起來好壯觀 好在小寶同阿喂好愛食肉骨茶呢~"豬肚"入味夠腍身 "肉骨茶"~味道夠濃藥材味..好唔錯~不過再熱d更好 第一次食"乾肉骨茶"~感覺好似炆餸feel 好夠乾身而且好入味~肉骨又夠腍..好味道 "淨料煲"(=無肉成份)~相比之下~我比較鐘意依煲 少左份豬肉味~但依然有濃郁藥材味..湯味較清 "生菜"..好爽脆 肉骨茶不可缺既"蒜茸辣椒" ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ 食完"肉骨茶"..再返Corus Hotel check in+小休 等到夜晚..大馬好友接我地一齊去阿羅街"黃亞華"食晚餐 依間比較多旅遊書籍推介~反正之前試過"明記" 加上好友道明佢地個"燒雞翼"整得比"明記"好 但除左雞翼外~其他都係普通..那都不妨一試既 果然個雞翼真係好夠入味好香~色都燒得好靚..好味 "燒蒲魚"..依個比較失色~皮層燒得唔夠金黃香脆 味道都一般 阿喂欽點"黑椒炒蟹" 黑椒味唔夠香~整體好一般 "甘香炸魷魚"..份量超少 鹹蛋黃炒得唔夠乾身~入口唔脆+好笠口..味道都欠奉 "沙嗲雞串" 色靚但味道好普通   整體除左燒雞翼外~其他都係好一般 旅遊書籍竟然推介依間~應該係其他原因啦 (待續)

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================