吉隆坡之旅(20)

  3月20日(星期日)~Day 8..前一晚好好瞓~8:30am我地就起身lu 攪掂晒落酒店既露天位置食早餐~隨後流浪影子+小寶再一齊來 早餐無乜野食..飲杯野傾下坐下~之後返房收拾行李check out 準備是日行程..一行四人先去葡萄牙村~依日天氣真係非常好
離開葡萄牙村~再去"中華茶室"食馬六甲好出名既粒粒雞飯 到達時間尚早~但食店已經爆滿~店舖仲會進行拉閘制 以免阻礙店內食客進食~而門外亦見人龍等候呢 等候其間..轉入食店旁~窺探內堂情況 帶上手套斬雞..果然好衛生 好快輪到我地入去食野lu 我同阿喂點個"鳳梨汁"~好清甜又原味 叫個2人份量"海南雞"~因為好友流浪影子唔食肉 但份量都好足夠我地3個人食呢 上檯色澤唔算吸引~但入口好有雞味..雞肉好有彈性 雞汁淡味中都好夠入味~依個海南雞好唔錯 粒粒雞飯..飯粒好夠黏度~又不致於爛飯口感 手造飯粒握得夠實~有淡淡雞汁香味~一碟有5粒 原本想食多一碟~不過怕之後食唔落其他野 所以要忍痛忍口~有機會再去馬六甲一定要再食 食店既辣椒醬超正~酸辣度好平均~仲有好fresh青檸香味 配雞or粒粒飯好好味~連阿喂都問有無做外賣..可惜係無既 食完粒粒雞飯~緊接出發去食期待已久既"3D榴槤冰" 聽聞食店唔容易搵~而網上流傳既短片介紹又無明確位置 所以大家都諗住去碰碰運氣~點知..咁岩前一日泊車既位置 鈄對面就係eha~好友入店查問~店員依然無介紹3D榴槤冰 繼續邊行邊搵~終於兜兜轉轉係另一間食店門外發現指示牌 原來eha就係食3D榴槤冰~可惜折返時已經關門~唯有依日去食 "3D榴槤冰" 外表好平凡..但內裡有乾坤   撩一撩杯底..入面充滿新鮮既榴槤果肉
口感好軟滑入口即溶~超香..超好味 另外..仲有招牌"芋泥" 芋泥口感好軟滑~芋頭味好濃郁 不過我覺得甜左d~而入面仲有南瓜..銀杏 (待續)

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================