吉隆坡之旅(17)

  3月19日(星期六)~Day 7..是日出發"馬六甲2日1夜之旅" 出發前同大馬好友流浪影子+小寶夾好~就岩星期六,日假期 可以結伴同遊馬六甲呢~依早8點起身~梳洗完先出去食早餐 酒店早餐都唔錯喎~食物都ok多而且味道好好
我要留肚去馬六甲狂食(哈哈)~所以早餐食少少就夠lu
依道既麵都係比較偏甜~後面塊薯餅好正+超香脆
食完早餐..先返房收拾行李再check out 約好大馬好友..10點會到酒店接我地呢

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ 由吉隆坡去馬六甲需時2hrs~真係辛苦晒負責揸車既小寶(terima kasih) 沿途天氣唔太穩定~局部地區性時晴時雨時陰~12點多到達馬六甲 我地先去酒店check in~雖然未有房間..但都放低件行李先 再出發去古城食lunch~今次轉機stay吉隆坡4日之旅~純粹好友聚 所以我無計劃無行程無景點想去~交晒比流浪影子負責 前一晚落機~好友已經精心安排去"Khunthai"品嚐一個豐富既泰菜餐 緊接落黎..馬六甲瘋狂美食之旅~正式開始.."麥哥"娘惹菜 聽好友講解歷史由來後~得知娘惹菜=中馬飲食文化溶合而成的 難得到馬六甲一遊ma~當然要試試娘惹菜到底係咩味道呢 "豆醬雞"..醬汁好似中式既炆鴨味道~夠濃郁 "甜酸辣菜"..少辣少酸~瓜既口感略帶脆 "津加洛蛋"..外表似一般煎蛋餅~其實入面加入一種cincalok 果種味道帶鹹之中又好難形容! 不過我ma ma地like "椰漿黃梨蝦" 有鳳梨+蝦做食材~個汁好重椰香味..甜而不辣 用鳳梨配搭..好開胃~個汁都好好送飯   "鹹菜鴨湯"..又係阿喂欽點想飲湯 味道同港式煲既鹹菜湯差不多~鴨味唔算濃~湯比較清淡   (待續)

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================