吉隆坡之旅(16)

  3月18日(Happy Friday)~Day 6..6日5夜峇里之旅結束後 緊接4日3夜吉隆坡之旅開始~我地6點多返到Corus Hotel 先梳洗..因為大馬好友流浪影子+小寶~約好7點黎接我地 然後出發去甲洞區既Khunthai食晚飯~記得出發前大馬好友 都問定我地有咩特別想食~阿喂話好想食泰菜~因為香港 無乜邊間泰菜館整得吸引~所以好想試下大馬既泰菜喎 依晚有d毛毛雨天氣好涼~嚴格黎講..坐坐下我覺得凍囉(哈哈) 食店地方有分室內or室外~我地揀坐室外位置比較有氣氛呢
先order啤酒..慶祝happy friday又相聚既第一個晚餐 同阿喂去食泰菜~好少有機會叫沙律 依晚可以試到lu.."Kerabu Mango" 食材有江魚仔,腰果,辣椒粒,泰國青芒果,乾蔥 味道有鹹有甜有辣..配搭醒胃沙律汁料~好開胃好味   "White Tom Yam mixed Prawn" 香港好似叫"泰式酸辣湯"~不過無試過~通常慣叫"冬蔭功湯" 依個味道好平衡~最基本要夠酸夠辣~味道同冬蔭功好似 不過只係唔同顏色~而料都好足~凍凍地..飲完好暖肚 "鹹蛋蝦餅"..將蝦肉打膠再包裹原個鹹蛋黃~再搓成鹹蛋外形 外層炸得好金黃夠脆~蝦膠好彈牙而鹹蛋黃味道帶點甘香 依個小菜好特別~之前未食過~味道真係好好又好香口 伴上酸蘿蔔小吃
"Seafood Combo"~原本"四大海王"係有蜆..魷魚..蝦..蟹 不過是日無蟹~所以三缺一(哈哈)..用爐伴上熱食~好溫暖 整體味道酸辣中..甜度會突出一點 阿喂好like依個小菜~返到香港有提過想整食呢 "燒司蛤"   分別有2款醬汁伴食 我比較鐘意伴泰汁..好開胃~泰汁碟下層同樣伴上一碟酸蘿蔔 "四大天王"   同上次黎大馬食既四大天王完全唔同~分別在於個醬汁 我會鐘意食大馬既"四大天王"多d呢
"炸魷魚"非常鬆脆又香口味美~依個整得好好味送啤酒一流 (待續)

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================