3月14日(星期一)~Day 2..依日join day cruise出海玩
開船無耐..船員就準備簡式早餐buffet+飲料供遊客享用
同時仲會有娛樂表演+唱下歌仔咁呢~不過我地揀坐上層
寧願靜靜休息下~加上我地都飽ed~所以無再食早餐lu
不過船程開到一半~開始見部份遊客出現暈船浪~好在..
船公司早有準備~每層會有個指定派袋員..隨時候命
隨後嘔聲四起~再目睹一袋袋橙汁~oh no! 好反胃呢(@.@)
另外有部份就半暈係洗手間內~部份就唔知暈左定瞓左
巡船完畢再返坐位靜思~突然感嘆"眾人皆暈我獨醒"(哈哈)
難怪check in reception有大盆暈浪丸~職員會問有無需要呢
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
船程1hrs就去到Quicksilver海中心基地~遊客開始瘋狂玩樂
而船職員就開始忙碌準備午餐buffet~不停搬運食物+飲料
buffet由11:30am-2:30pm~之前負責照顧我地既女職員
11:30am就即刻叫我地食buffet先~果段時間剛剛開始
加上有部份遊客因為上左沙灘參觀仲未返~所以可以話係
食物最豐富既時刻而又最少人呢~先前玩左一陣水..真係餓lu
而且燒ing既BBQ食物~隨風吹散香味~真係唔餓都變餓啦
BBQ食物有蝦..雞串燒..灼蜆肉~有專人派發
每人每次每款2串~以防d人拎太多~其他人無得食
影依張時我已經食飽~沙灘既遊客返上船..即刻開餐
甜品無試過~生果就有食
"蝦"都食左好多串
"蜆肉"又係不停encore
"雞串燒"超正..燒得好香又好味道
"刺身"~好夠凍
熱盤有炒麵..蔬菜~另外仲有牛類..意粉..咖喱..飯等
不過最唔鐘意d船員~其後將d蝦殼+意粉倒入海餵魚囉
阿喂買罐啤酒送BBQ食物
lunch時段又超級大雨~真係感恩..上水就落雨~落水就停雨(哈哈)
食完lunch buffet休息一陣~下午到我地上沙灘參觀
oh..好陰功! 隻大海龜係水池拎左上黎
趴住好似好辛苦咁~有d人仲同佢影合照
之後又睇鬥雞..我唔like睇依d
村入面仲有d檔口
依3個小朋友無玩具~單係玩膠水樽都咁開心
連阿喂都感慨話~香港既小朋友實在超幸福
其實依幾日係town都見好多跟住媽媽乞食既小孩
夜晚隨街瞓~衣服污漕到不堪~見到都好心酸
所以依3個小朋友~已經算係當地幸福既一群
2:50pm開始回程~船上又準備下午茶小點buffet
不過都無食呢~1hrs船程返到碼頭~船河一天遊..完滿結束
負責既女職員臨走送別時~仲擔心我地點走
之後同佢講我地有專車送返Resort~佢頓時安心晒
依架係負責接送我地既七人車~回程天氣好好又有太陽
只係有慣性既塞車~不過都好順利5:00pm返到Resort lu
(待續)
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================