9月25日(星期四..Day 6)~係"Santorini Water Fantasy"玩完
都差不多3:30pm~開始肚餓啦! 係時候準備去食lunch+tea
離開水上樂園~直接揸車去Khao Takiap漁村食地道海鮮餐
(位置 : "筷子山"旁有一條村路..轉左入去)
![]()
![]()
一整排海鮮檔口~可外買海鮮去其他食店煮理~亦可即點即煮
![]()
我地幫襯"3 Chef Seafood Restaurant"~佢d海鮮比其他檔口靚
![]()
個泰汁超惹味..正
![]()
蠔仔肉連包裝配料..可生吃~但我地轉整"蠔仔煎蛋"
![]()
蛋餅煎得超靚超金黃~蛋味仲超香
蠔肉剛好熟帶點水份..超好味
![]()
"BBQ螺"..燒得好有心機
![]()
熟度又係剛剛好~焦香..螺肉嫩口仲帶點點水份
![]()
"大虎蝦"
![]()
虎蝦好巨~肉質新鮮爽彈又啖啖肉..伴上泰汁好正
![]()
揀左兩隻活蟹..點個"蒸蟹"~一下忘了應該點"咖哩炒蟹"
蒸食無太大特別感~但蟹肉好新鮮帶鹹海水味
![]()
最後..點個"冬蔭功湯"
![]()
顏色勁靚~酸辣度平均+好突出~椰奶味剛好..唔會太重
湯料都好足~起碼有6隻蝦..新鮮味道非常好
整體食物好好味~檔主好nice (總消費:990b=$244)
![]()
夜晚唔出去食野~食完海鮮餐..去Market Village買生果
係Swensen's食埋個"榴槤雪糕"~因為昅左幾日話要食架啦
再唔食無時間食呢~我要個"Durian Mon Thong Crepe"
![]()
餡料有糯米飯+榴槤蓉及cream
crepe好薄身唔漏~糯米飯軟糯..榴槤蓉唔多但好香
![]()
雪糕既榴槤味好rich~唔係用化學成品製成
味道好香濃creamy~好香好味又唔太甜
![]()
老闆點個"Durian Mon Thang Delight"(總消費:248b=$61)
![]()
好景不常..離開"水上樂園"~上車開始皮膚起紅粒..超勁痕
食完海鮮餐+雪糕後返villa~沖涼照鏡發現全身起晒"風癩"
又紅又腫..痕到痛~仲要佈滿全身(總之有衣服接觸既部份都起晒敏感)
老闆形容為3D地圖~唔掂得又唔吹得風..仲要死忍唔R得痕
下半身+大脾位起到大大堆又唔坐得(由細到大..第一次皮膚敏感)
依個經歷超難受~老闆見到好唔開心..話想即刻同我返香港
(依張相係回港後兩日影既..情況算好了~係泰國果陣每個部位..起碼多出3倍~好嚴重!)
![]()
唔知係咪..我係水上樂園用過佢d沐浴露..老闆無用
但返villa沖過幾日涼都仲未好~我又懷疑係咪食物敏感
但我又從未試過食物敏感~回港後..諗住試下自然療法
食左2日生果+飲用屋企過濾水..希望加快排毒~點知都唔得
因為驚唔知會唔會變種~最終要去睇醫生..開左5日藥
好在食左2日藥已經好返~不過藥力好重..食完好迷幻
依個經歷超痛苦~希望永遠永遠..遠離我
![]()
(待續)
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================
[ 今日講咩 ]
