尋日(24-5-2015 Sun)見有啲陽光,不如趁聽日重係假期出去行吓,出發前食個晏先,我冇idea下,同男友邊行邊搵,行到呢間,有好多o野食,於是坐低.
由於我唔係咁肚餓,就要$23.00o既小食套餐8號,有鳳尾蝦春卷,蔬菜春卷各一件,咖哩角兩件,加$2.00要凍檸檬柚子蜜.
男友要$25.00o既潮爆車仔麵套餐,要出前一丁,煎蛋一隻,燒賣三粒,鹵水雞中翼兩隻,加$5.00飲泰式青檸梳打水.
等o左11分鐘,男友o既潮爆車仔麵到o黎,
![出前一丁,煎蛋一隻,燒賣三粒,鹵水雞中翼 - 荃灣的小甜甜糖水小食餐廳)]( "出前一丁,煎蛋一隻,燒賣三粒,鹵水雞中翼 煎蛋,燒賣,鹵水雞中翼出前一丁")
佢分啲俾我食,煎蛋燒賣正常冇問題, 鹵水雞中翼味道好夠而且好腍, 出前一丁略嫌過腍.
味道: 3分
2分鐘後,泰式青檸梳打水到o黎,再過三分鐘,我o既凍檸檬柚子蜜至到,
![凍檸檬柚子蜜 - 荃灣的小甜甜糖水小食餐廳)]( "凍檸檬柚子蜜 凍檸檬柚子蜜")
飲吓先,加o左檸檬o既柚子蜜味道清新啲,幾好味.
味道: 4分
再過4分鐘,我o既小食至到,好精緻好細件.
![左至右:蔬菜春卷,咖哩角同鳳尾蝦春卷 - 荃灣的小甜甜糖水小食餐廳)]( "左至右:蔬菜春卷,咖哩角同鳳尾蝦春卷 左至右:蔬菜春卷,咖哩角同鳳尾蝦春卷")
炸得好靚熱騰騰,我先食咖哩角,都幾辣吓,內裡多數係軟腍腍薯蓉.
![咖哩角 - 荃灣的小甜甜糖水小食餐廳)]( "咖哩角 咖哩角")
味道: 3.5分
之後食鳳尾蝦春卷,好似食到啲芋蓉,呢個正常冇問題.
![鳳尾蝦春卷 - 荃灣的小甜甜糖水小食餐廳)]( "鳳尾蝦春卷 鳳尾蝦春卷")
味道: 3分
最後到蔬菜春卷,都屬於正常冇問題.
![蔬菜春卷 - 荃灣的小甜甜糖水小食餐廳)]( "蔬菜春卷 蔬菜春卷")
味道: 3分
而男友o既泰式青檸梳打水呢,
![泰式青檸梳打水 - 荃灣的小甜甜糖水小食餐廳)]( "泰式青檸梳打水 泰式青檸梳打水")
我飲一啖試吓,唔…麻麻地好飲,唔係我杯茶.
味道: 2分
之後男友加碼,要$15.00o既日式咖哩薯餅,等o左一陣就到喇,炸得有啲過火,
![日式咖哩薯餅 - 荃灣的小甜甜糖水小食餐廳)]( "日式咖哩薯餅 日式咖哩薯餅")
![日式咖哩薯餅 - 荃灣的小甜甜糖水小食餐廳)]( "日式咖哩薯餅 日式咖哩薯餅")
味道…同咖哩角一樣,做男友會叫埋同一樣o既o野o架?
味道: 3分
抵食係2.4分
============================================
感謝 愛食 提供以上資料
愛食 的網誌: http://www.openrice.com/zh/gourmet/reviews.htm?userid=46226&city=hongkong
============================================
