尋日(21-2-2015 Sat大年初三)同男友離開港島區返荃灣,我o地都唔太肚餓,只係想食啲o野,免得半夜瞓瞓吓覺餓醒.

我o地諗去邊o度食,男友話車仔麵,但冇開,翠苑,sorry,我記得上次男友要轉枱,個侍應喝佢唔俾坐o既經驗.睇吓銀龍,銀龍有開,於是走入去.

我要$32.00o既汕頭魚餃河,男友要$50.00o既鮮茄濃湯稻庭麵(正宗日本烏冬)配日式雜菜餅拼吉列豬扒,包奶茶/菜蜜/柚子蜜(轉凍飲加$3.00),如果要其他飲品,熱o既加$3.00,凍o既加$6.00.咁我o地要加$3.00o既凍菜蜜.

冇耐,我o既汕頭魚餃河到o黎,

侍應亦即問男友要唔要辣油?男友答要.咁我食先,魚餃有5粒啦咁多,但有兩粒係爆開o左,食落,口感唔掂,完全冇正常魚皮餃o既口感,但內裡o既豬肉味道唔錯,河粉正常冇問題.而湯底,好清,冇乜味.

食o左半碗俾男友食,佢加辣油食,話好彩有辣油,因為個湯冇味.我都話其實我都想加,但驚辣油好辣,佢答辣油幾辣o架,好彩我冇加.

之後到佢o既鮮茄濃湯稻庭麵(正宗日本烏冬),

男友話感覺好似幾好,同menu相中o既菇o既份量冇咁多.到我食,我覺得烏冬都係差唔多,而鮮茄濃湯變o左羅宋湯,呢點唔係幾好吧.

之後o既日式雜菜餅拼吉列豬扒呢,

好明顯,日式雜菜餅變o左炸假帶子,

呢個係來貨,冇問題啦.而吉列豬扒呢,粉漿都唔厚,都脆脆地,內裡豬扒鬆軟,OK o既.

最後飲凍菜蜜,

呢個開得幾濃,唔錯.

抵食係1.5分

============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong

============================================