今日(17-1-2015 Sat)等男友放工後入屯門睇譚詠麟珍藏展覽,由於我o地都唔係好餓,於是決定入到屯門至食晏,誤打誤撞之下,搭到屯打西鐵總站落廾,行去商場次際,問男友去唔去新墟食,唔入商埸食?佢答好.於帶佢入新墟搵.坦白講,縱使我細細個開始,都有入o黎新墟,但近年因有V City o既出現,新墟老舖都唔知重有幾多間?行到呢o度睇,間間都都多人,幸好呢間重有室內座位,唔使o係出面捱凍食.

我o地坐低後,男友揀o左$25.00o既無湯熱拌薯粉(小辣)加炸雞扒,我要$25.00o既雲吞薯粉茶餐,加$2.00要凍奶茶.order完後睇睇張單,有一項係$25.00+$9.00,$9.00係咩o黎?啊,係男友o既炸雞扒.

好快,我o既凍奶茶到o黎,

飲吓先,奶味多過茶味,有少少失望.

然後我o既雲吞薯粉到o黎,

透明薯粉唔係好多,雲吞有四粒,薯粉係一粒粒凸起,夾起似珍珠鏈,有趣;

湯o既顏色好淺,味道應該唔濃;而雲吞係扁雲吞,餡料唔多,炸蒜只有一茶匙,應該起唔到咩作用.

好,起動喇,珍珠鏈薯粉好彈牙又滑,好討好.雲吞.就略為遜色,饀料已經唔多,韭菜就更加少,可以話係食唔到韭菜味.而湯底,雖然係淡色,但味道越飲越好,而且都好熱.

而男友o既炸雞扒無湯熱拌薯粉呢?

拌料多到呢,我試吓佢o既珍珠鏈薯粉,小小酸辣o岩我,青瓜唔辣但清甜,花生脆口,肉碎正常冇問題.而炸雞扒一樣都冇乜問題,肉質唔會好乾身.

之後我o地加個小食,唯一唔辣o既只有$20.00o既秘製豬頸肉,就叫呢個啦.

等o左都幾耐吓佢至o黎到,

我唔客氣喇.食落好熱,有啲香口,原來佢o地炸返佢,而見到有卥水汁,呢個係幾入味,但口感係腍,有啲不爽.

味道係 3.1分, 抵食係2.57分

服務:
去到時o岩o岩要等位,不過有一對顧客埋單走人,咁我o地就坐o個張枱,亞姐見要執o野,就提議我o地住另一邊.

之後有3個拖喼o既大陸遊客o黎,亞姐執好另一張枱俾佢o地,但佢o地遲遲都唔坐埋去,原來話地下污糟.亞姐就掃好地俾佢o地.我心諗,大陸食店地下比香港o既更污糟啦.

好好,我order雲吞薯粉時,甩寫住係茶餐,而距離茶餐時間尚遠,就先問問有冇?老闆答有,而且話雲吞係韭菜豬肉,問我有冇問題.唔錯.

亞姓同老闆都有禮貌.

============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong

============================================