尋日(28-11-2014 Fri)同男友o係屋企整o野,我就食藥瞓o左,到2點幾起身,男友都冇食晏,到3點幾,不如食下午茶,邊個去買?男友問,唔係叫外賣咩?我問,唔係夜晚至叫咩?o衣o家叫完呢間,夜晚又叫呢間?睇吓menu,下午茶時段都有飯麵,不如索性o衣o家嗌埋夜晚o既飯盒,咁就可以唔會因為食o左下午茶而食唔晒夜晚正常份量o既飯盒,而且又平啲添.

一於咁話,咁我就叫兩個$26.00o既對對配茶餐,揀o左美式熱狗+什果沙律,司華力腸+咖哩角,兩杯自製豆漿,兩個$30.00o既下午茶廚師推介:泰式炒金邊粉同蒜茸雞扒飯,兩杯熱檸水.

等o左大約10分鐘,外賣送到,收$116.00,啊,外賣加$1.00.

打開晒啲盒睇,搵到兩盒對對配茶餐,而下午茶廚師推介都唔少o野.我o地先食前者o個兩盒同飲熱檸水.

司華力腸係來貨,正常冇問題;咖哩角細細件,外層脆脆地,但咖哩味欠奉,餡料係碎牛,呢個一般.

美式熱狗都係正常size,沙律醬落得好多,麵包冇乜烘過,成個被沙律醬o既味道掩蓋晒. 什果沙律除o左有菠蘿同車厘子外,重有紅蘿蔔,青瓜同薯仔,青瓜都幾新鮮同爽脆,其他o既都夠腍,OK,但沙律醬又真係落o左好多.

而熱檸水呢,我見冇俾糖,就自己落o左一茶匙糖,男友一飲就大嗌好甜,我答只落o左一茶匙糖,唔通佢o地自己落o左?到我飲自己o個杯時,我唔覺不特止,反而係一口澀味喎.

到夜晚食飯時間,我o地唔將飯同粉翻熱喇,粉就黐埋一堆,雞扒上o既汁梗係凝埋一pat,食得.雞扒食得出有蒜茸味,肉質唔太o鞋,飯o既軟硬度適中,OK.

而泰式炒金邊粉呢,

有正常o既辣味,不過係啲啲,但唔緊要,不過有啲怪,料有雞蛋,雞肉同蝦仁,

但呢個唔好食.

最後係自製豆漿,呢個味道偏甜.

味道係2.81分, 抵食係2.5分

============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong

============================================