年中收到Haagen-Dazs o既優惠劵,於是決定以$445.00買盒原價$568.00o既七星伴月o係做節日攡o黎俾全家人食.

最後家人決定o係7-9-2014 (Sun)做節,我就o係6-9-2014 (Sat)攞,攞完拎去女友人WYP屋企,

求祈俾一個”星星”佢個女食,然後速速返屋企,因為乾冰o係一個鐘頭後熔晒,而佢俾o既袋唔係咩保溫袋只係普通膠袋(咁貴都冇保溫環保袋 ).

返到屋企至慢慢睇,原來我俾o左個全盒最有特色o個個士多啤梨芝士餅雪糕佢(哭).

我同男友都急不及待各揀一款味道o既”星星”食,

男友揀比利時朱古力,我揀焦糖脆餅,每粒”星星”都一樣樣,切開一半後食得.

我先食焦糖脆餅,幸好唔太甜,內裡有粒粒脆餅,增加口感.

而比利時朱古力亦一樣唔太甜,但其實味道都係咁,唔突出.

7-9-2014(Sun)做節晚,同屋企人食完晚隻後,姪女話要食雪糕月餅,重指定要朱古力味,咁o岩,個”月亮”就正正係朱古力味,我o地6個人可以分喇.

拎出o黎切開後睇,完完全全係朱古力雪糕,男友切開四份後,二哥就唔食,我同男友就share,爸爸,大哥同姪女各人食一件.

之後我將cookie & cream o既”星星”交俾二哥帶返屋企俾佢同二嫂食.

幾日後到士多啤梨,切開睇,成個雪糕係粉紅色,中間有一撮仔比較紅,

呢撮仔味道較酸,雪糕o既士多啤梨唔多濃.

而雲呢拿雪糕,我就o係月中o既其中一晚同爸爸分o黎食,我只係試一啖仔,就成件俾佢食我覺得都係普普通通o既雪糕.

o黎到大前日21-9-2014 (Sun)朝,終於同男友清埋最後一個夏威夷果仁雪糕月餅,

呢個裡面有粒粒夏威夷果仁,當然腍晒,而味道,我覺有咩夏威夷果仁味,男友就話食到啲.

老實,同牛奶公司o既mega批有咩分別?而且由於佢係雪糕批而冇雪條棍,所以食o既時候都幾’論盡’ .

服務:
7-6-2014 (Sat)去綠楊坊分店買劵時,收銀處冇晒人,要叫至有,on-duty o既人去晒邊?

而6-9-2014(Sat)要去如心廣場攞,o個o度對我o黎講已經算係隔涉,重要o個個咩11樓o既宴會廳,一定要o係如心海景酒店地下大堂至有直達電梯到,搵餐死.

其實買優惠劵都係幫趁o左Haagen-Dazs,唔明點解要咁樣對待顧客,最尾o個幾日唔俾o係正式o既分店攞? 顧客早啲俾o左錢,佢o地都賺o左啦,重要咁樣對客人,早知係咁,我就唔幫趁.

============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong

============================================