月初,女友人LT同WK約我食我o既生日飯,我揀o左前晚(20-9-2014 Sat),地點就呢間.由於驚星期六晚冇位,於是o係19-9-2014打o黎訂位,但冇得訂o既.咁LT拖住兩個女同WK行完街就先o黎攞位.

我o黎到搵到佢o地後,就睇menu,冇餐,全部都要加錢至有湯 / 飲品 / 小食或沙律,我睇中o左$52.00o既蟹肉忌廉餅同兩款相差$1.00o既吉列豬扒飯,LT先揀一個$64.00o既牛肉番茄烏冬鍋,因為佢大女LWT鍾意食烏冬.WK就揀$68.00o既蝦肉蛋包飯伴蘑菇忌廉汁,然後話要揀多個,o係冇乜o野揀之下,我就同佢講兩個 吉列豬扒飯,最後我o地決定要平$1.00,$68.00o既焗咖哩吉列豬扒飯.然後再加錢要三樣o野,我o地全部都揀是日餐湯,係南瓜忌廉湯,咁加三樣o野就係$26.00.

落單時,個女仔話加三個湯要$30.00,因係每款計而唔係同款每客計.

落完單,個女仔拎籃共三款o既麵包,叫我o地揀三個,有芝麻包,芝士包同法式牛油包.我o地一時決定唔到,我就乾脆答每樣一件.

放低冇耐,三個餐湯都到o黎,

我o地問佢攞兩個碗分,分好食得.包o個方面,我只食長形o個個法式牛油包,塗上唔heavy o既牛油食,麵包鬆軟,OK o既,另外兩個我都冇食.

好,飲湯喇,南瓜味幾甜,口感亦滑,OK.

好快,牛肉番茄烏冬鍋到o黎,之後其他o既都到o黎,次序係蝦肉蛋包飯伴蘑菇忌廉汁, 蟹肉忌廉餅同焗咖哩吉列豬扒飯.

飲完湯後,我先食蟹肉忌廉餅,蟹肉忌廉餅一客兩件,其中一件穿o左流汁,

我將一件剪成三份,一件剪成兩份,

分好晒食得,熱騰騰,忌廉杰同滑,外層又薄又脆,但蟹肉好少.

然後食牛肉番茄烏冬,

牛肉係打邊爐o既肥牛吧,而且好少,得幾片.蛋就o係落單時,個女仔有問要溫泉蛋定熟蛋?WK答熟蛋.我整開佢時,個黃係未熟,就由佢流入番茄湯o度啦.

而烏冬好腍, 牛肉仍嫩.

之後食焗咖哩吉列豬扒飯,

日本咖哩唔會太辣,豬扒係厚切,

飯o既軟硬適中, 豬扒口感佳,唔錯.

最後係蝦肉蛋包飯伴蘑菇忌廉汁,

呢隻係紅色o既茄汁炒飯,

味道酸酸地,軟硬適中,呢個係最好食.

由於我由朝飽到晚,英雄宴食都食得多,呢餐亦同樣係淺嚐,好彩有LWT咁擦得至食得晒.

食完後,WK問食唔食甜品,但可惜呢o度幾十蚊o既甜品就只有芭非杯,雪糕o個啲,唔吸引,我o地都係放棄轉地點.

服務:
送上牛肉番茄烏冬鍋時,個女仔竟然放近LT只有5歲幾o既細女o度,有冇攪錯?呢個係鐵鍋o黎,佢亦都冇提醒我o地好熱(但我o地梗係知),而且呢個有湯o架,我就即刻移返入啲.

重有啲蝦肉蛋包飯未食完,個女仔問重要唔要?我答要.之後我o地清晒牛肉番茄烏冬佢又唔收,要叫至收.

價錢: 今次計4人.

============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong

============================================