22-6-2014 (Sun)朝早同男友起身後,爸爸又吩咐我o地去買餸,男友想帶我去西九龍中心o既雪糕達人食雪糕,一早食雪糕做我o既早餐?唔….不如都順便食豆花撈米線啦,好,就o係o度買米線去西九龍中心食.

o黎到,時間係11:42am,好彩開o左門,男友要最基本,$15.00o既豆花撈米線,我就要$27.00o既喜樂牛肉米線套餐,自選肉類同素食小食,我就揀o左牛肚同尖椒皮蛋,個妹妹仔問我要咩o野飲? 唔係寫明一罐青檸汁咩?有得揀?佢話可以揀豆漿.啊,我都係要返青檸汁吧.

等o左3分鐘整好喇,但得兩個紙碗一罐青檸汁o既?兩個小食呢?有冇漏到?問問個妹妹仔先,佢答齊晒.啊,即係幫我放埋o係一碗o度,咁做都o岩,用少兩個碗仔,環保啲.

我o地去到西九龍中心o既food court坐低就打開開餐喇.

睇到我o既牛肚小食就只有牛肚同蘿蔔各兩件,尖椒皮蛋應該有一隻,

咁又係,正常如果要個米線加呢啲小食,都只係加$5.00,份量又點會多?佢本身就有好多芫茜同花生,而中間有一小撮自製辣醬,好彩係冇攪勻,而我又唔記得同佢o地講要唔辣,咁我就夾走佢,然後攪起啲米線先睇睇,米線幾粗身.

而男友o既豆花撈米線呢,

明顯份量少得多,不過佢起身後自己都煮o左啲o野食,所以佢呢個份量係夠,當中當然有一舊豆腐花.

睇完後就開動喇,我先食件牛肚,夠腍同牛肉味仍濃,蘿蔔就麻麻地,有啲渣而且唔甜;皮蛋冇乜問題,而喜樂牛肉呢?冇o既?莫非係黑色一粒粒o既肉碎就係?米線煮得有咬口o既,而成碗o既味道係充斥o左芫茜香味,亦食到麻o既感覺,而可能始終有尖椒,所以我食到小小辣,不過唔係簡單o既辣味,而係香辣.

而男友o個碗呢,件豆腐花係百福o既,所以我唔須要評喇,但男友一路食一路讚唔錯,因為真係有雲南風味.

今次味道分係我同男友自己為自己o個碗評分.
抵食係2.5分

其他:
我o地見到有新出o既冰凍荔枝米線,唔知我重有冇緣食到呢?

============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong

============================================