18-5-2014 (Sun)朝,同男友起身後諗食o野,之前keep起大家樂買芝味厚切一哥焗豬扒飯,三重芝士焗海鮮飯或淡咖哩焗雞扒飯送12oz可樂一杯o既優惠劵兩張,

o係11:00am至2:00pm午市時段可以用,我見我o地時間差唔多,就提議梳洗完後去大家樂,等,我o地去到係10:45am,差唔多時間我就出去等轉午市牌,11:00am喇,未轉.時間一分一秒咁過,但都冇換,11:15am,我忍住去問收銀,幾時至做午市?佢答11:30am.我指住張o野問,11:30am?呢o度寫明11:00am開始.佢答可能今日係假期,廚房重未焗起.

咁我返入去,男友就接力,等呀等,等呀等,男友終於買到返o黎,時間係11:39am. 而且有一個唔係焗飯系列o添.男友話,焗飯只有芝味厚切一哥焗豬扒飯上,另外兩款都未有,而佢o既購買時間係11:36am.

芝味厚切一哥焗豬扒飯售價係$35.00,而另一款流心玉子燒汁豚肉飯就$30.00,佢要杯熱奶茶.我o地實在等得太肚餓,影完相要食喇.

老實,我都好多年冇食一哥焗豬扒飯喇,今次佢就話係芝味厚切一哥焗豬扒飯,睇睇賣相,比前豐富得多,多o左好多番茄,菠蘿同青豆,

好,開餐喇.

焗飯一定係熱騰騰,件豬扒仍然大件,

但唔係想像中o既厚切,

同以前差唔多,我諗係o衣o家成本貴o左,間間o野啲豬扒都切薄o左,所以一回復返以前o既厚度時就話係厚切. 豬扒鬆軟,番茄汁食唔到酸甜味,奇.而芝味,sorry,我好似食唔出.飯o既軟硬度都適中,但好似食唔返以前一嗚驚一o既感覺.

男友o既流心玉子燒汁豚肉飯,

一隻半熟蛋唔夠撈晒成個飯,但佢讚燒汁夠味;我o地各自食到一半就交換食,我就覺得味道淡淡,豚肉係全瘦同一樣係軟硬度適中,OK啦.

味道係3.25分, 抵食係1.5分

服務:

除o左上面話等轉午餐有問題外,其他都OK啦,收o野o既亞姐都好有禮貌.

============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong

============================================