大前日(23-4-2014 Wed)朝,call鴻福堂外賣,由於打電話訂要買滿$100.00至送貨,咁我叫三個餐啦,晏晝食一個,兩個放工拎返屋企同男友食.
就要o左鱆魚雞粒燕麥飯,南瓜馬蹄蒸肉餅燕麥飯同南乳蓮藕香菇素肉野米飯,湯就要合掌瓜蘋果百合豬骨湯,川貝枇杷葉鱷魚肉湯同響螺海參瑤柱無花果豬腱湯(附湯料),我唔記得配邊隻湯平啲,應該係合掌瓜蘋果百合豬骨湯,收$38.00,另外兩個收$43.00.
送到o黎喇,佢o地會送埋甜豉油,而我食鱆魚雞粒燕麥飯,
食物都暖笠笠o既,打開飯盒食喇,我先食到鱆魚,
味道唔濃唔淡,o岩o岩好,而雞粒,其實都唔可以叫雞粒,都大大件,冇乜鮮味,最後到燕麥飯,燕麥唔多,口感煙韌,飯就好乾吓,食o左一半要加甜豉油食.
味道: 2分
最後飲合掌瓜蘋果百合豬骨湯,
呢個味道淡淡,冇乜話好唔好,只係有淡湯落吓肚咁解.
味道: 3分
其餘o既返到屋企同男友一齊食,影好相就分別翻熱食,
南瓜馬蹄蒸肉餅燕麥飯,肉餅口感鬆軟,南瓜粒口感似鹹蛋黃o既感覺,但比較健康.
味道: 5分
南乳蓮藕香菇素肉野米飯,冬菇味真係好濃,蓮藕片切得好薄,但成個味道麻麻,我唔係咁鍾意.
味道: 3分
至於兩個飯,唔知係咪因為我加o左水蒸熱,所以冇好似晏晝咁咁乾,而加甜豉油食,依然係好食好多.
最後飲兩個湯,響螺海參瑤柱無花果豬腱湯(附湯料),
係附湯料,但湯料九成係雪耳,雪耳?冇錯,係雪耳,明明個湯名冇雪耳,點解會有?原來睇返成份表至知係有雪耳,好搵笨喎.
呢個湯同樣係淡淡,雪耳夠腍,幸好都食到少少o既響螺粒.
味道: 3.5分
而川貝枇杷葉鱷魚肉湯呢,
呢個味道比較出啲,係咁多喇.
味道: 4分
雖然飯同湯(400mil等於的屋企兩個飯碗)o既份量多,而且我同男友夜晚各食o左1.5碗飯,重有剩可以俾佢第二日帶返工,但餸唔多夠,所以抵食都係1.5分.
============================================
感謝 愛食 提供以上資料
愛食 的網誌: http://www.openrice.com/zh/gourmet/reviews.htm?userid=46226&city=hongkong
============================================