尋日(30-3-2014 Sun)同男友遵我爸爸之命買餸去,買完男友話要食lunch,去邊o度食?我又唔太肚餓,唔…呢o度,我有張仍未過期o既儲印花o既咭.

我o地o黎到o岩o岩重有二人位,坐低後男友揀$45.00o既泰手撕雞撈檬粉,$18.00o既凍馬來拉茶,我要$45.00有串o既馬來沙爹串燒,只有雞同牛肉揀,咁我就揀兩串牛肉,一串雞肉,同樣要$18.00o既凍馬來拉茶,但男友見我都揀凍馬來拉茶,佢話不如一凍一熱(價錢一樣),咁我就改啦.

落好單,侍應即刻好醒目咁俾兩個碗仔我o地,而凍馬來拉茶好快到.

大大杯,我一飲,飲到濃度適中o既茶味,口感亦滑,男友一飲話太甜,但其實飲到最後啲冰溶o左就唔甜,男友話係喎,所以佢要整咁甜.

之後熱馬來拉茶到o黎,

明顯呢個冇咁甜,男友話o岩味.

然後泰手撕雞撈檬粉到o黎,見到配料有紅蘿蔔絲,花生同蔥粒,

我o地要攪攪唔到,因為檬粉漿住o左,要加魚露至慢慢攪得開,攪好食得.

我竟然食到雞絲有雞o既鮮味,唔係雪藏貨嗎?而口感都唔錯,唔係晦J;其他配料呢?花生又脆口又鹹香;檬粉同紅蘿蔔絲爽口,完全對版;而我亦食到啲蝦米同白蘿蔔絲,成個都幾好食.

好耐.我o既馬來沙爹串燒到o黎,熱騰騰的

,我都趁熱食喇,兩種肉都仍juicy,蘸微甜,有椰汁,杰杰地o既馬來沙爹醬食,實在係減肥人士o既大敵,因為佢o既美味真係太邪惡,邪惡到我都係咁蘸.

服務:
大致上很好,除上述的醒目外亦有禮,上每樣o野都有提背向佢o地o既我,不過到最後上馬來沙爹串燒時,我完全聽唔到有人講o野,男友話佢好細聲講對唔住.唔通佢怕醜?

之後因為我o地呢餐食滿$120.00有兩個印花,o岩o岩好可以以半價換海南雞飯俾爸爸食,就問問侍應可唔可以即換購拎走?佢就問問然後返o黎答我唔可以,一定要下次o黎換購同唔可以拎走.啊.

之後我俾錢都再問下次o黎買可唔可拎走?,收銀答唔可以,一定要堂食.

咁我返轉頭買海南雞飯拎走俾爸爸啦,佢都醒目地問我係咪買下午茶o個個?我答係(因唔係下午茶要$53.00,下午茶價就$38.00).佢收我$35.00,原因係外賣$39.00但有9折.

而佢一直都仍好有禮貌唔嫌我煩.

今次食評唔計我買o既海南雞飯外賣,因為我完全冇食到,亦冇問爸爸覺得點.就只貼相吧:

============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong

============================================