o係’G’字頭o既團購公司,用$148.00買o左以蘿蔔糕做配搭o既年糕兩套共四個,有瑤柱臘味蘿蔔糕兩個,金菠蘿十勝紅豆同蓮子馬蹄糕各一個,等大年初一家人返o黎有得食.
拎到返屋企,
覺得全部標示605gm重o既年糕,重量有唔同,於是鎊吓,一鎊之下,得出o既結果係:
瑤柱臘味蘿蔔糕有一斤六兩,金菠蘿十勝紅豆糕有一斤二兩,蓮子馬蹄糕有一斤四兩.
到大年初一(31-1-2014 Fri)晏晝家人返齊o黎,想開蘿蔔糕食,但大嫂開始做豐富o既晚飯,攪到冇爐用,咁我就攞兩個即食甜糕出o黎食,但只有大哥好.
先食蓮子馬蹄糕,
馬蹄大大件又爽口,但蓬子唔夠鬆化,而甜度算適中,唔太甜.
味道: 4分
之後食金菠蘿十勝紅豆糕,呢個有三層顏色,
食落,口感唔錯,彈彈地,魚膠粉同水o既比例做得好,紅豆夠腍同起沙,甜度適中,而金菠蘿就只有菠蘿水,味道都唔太酸,但起到點點消滯作用又幾好食.
味道: 4.8分
而瑤柱臘味蘿蔔糕就未食,等到翌日年初二(1-2-2014 Sat)朝,我同男友起身後至煎o黎做早餐.
男友煎好o左喇,睇睇切口好整齊,
我問男友o係切o既時候,佢有冇散?佢答冇.咁都OK,即係粉夠.但見唔到有瑤柱,食落,口感唔錯,味道亦都叫做夠,或者因為胡椒粉落多o左啲啦.而臘味都算多,都係有驚喜.
味道: 4分
服務:
原本都冇乜好寫,但我o係29-1-2014放工後o黎攞,o個時只有我一個客人攞,個後生仔接o左兩張劵後,幫我執好,入好盒同袋俾我,全程不發一言更目無表情,連一聲多謝都冇,唔係幾掂.
============================================
感謝 愛食 提供以上資料
愛食 的網誌: http://www.openrice.com/zh/gourmet/reviews.htm?userid=46226&city=hongkong
============================================