3-2-2014 (Mon)大年初四朝早,同男友起身又要去買餸,焗住去荃灣,但都食啲o野,男友話去Pokka,或A1,但我唔想,男友又提議太興或大家樂,唔…大家樂唔好喇.驟眼睇,見莎樂美有人坐o係o度,只做午同晚市o既莎樂美開o左嗎?行去睇睇,見有廚房員工o係o度整o緊o野,即係未開喎,咁,食o緊o野o個個係邊個?唔,係廚師吧.

男友又提議四海遊龍,原本唔想o既我又行去睇睇睇,啊,員工們又整o緊o野啊.=.=”咁去太興啦.

去到太興o岩o岩有位,我o地坐低後,決定要:

3. 熱奶茶

呢個我食晒o野後,問男友有冇茶味?佢俾我試,唔…係冇乜茶味.

1. 燒味午餐中o既燒味八寶飯
扇形碟裝住,砌得幾靚

(呢個係外賣http://www.openrice.com/restaurant/commentdetail.htm?commentid=2316922&tc=sr2&con=rvw同堂食o既分別),而每樣燒味份量都係雙數.好,開始同男友share食,我先食叉燒,兩件叉燒都係瘦o既,不過好鬆軟,蜜味好夠,夠甜,好食.

然後到燻蹄,燻蹄都係正常冇問題;而鹹蛋,蛋黃好乾,而且竟然唔鹹,係連蛋白都唔鹹,只食得出唔係雞蛋係鴨蛋咁囉.

肉薄o既油雞雞皮滑,肉唔’o鞋’口,味道都有但亦係偏淡.

燒鴨亦同上次一樣,唔肥o既皮都脆脆地,味道亦一樣.

魷魚同樣冇乜味,麻麻.

紅腸係來貨,鹹鹹香香咁,冇問題.

燒肉同樣係瘦燒肉,但皮脆,肉就冇上次o既腥味,好啲啲.

撥開晒啲餸睇到,原來啲飯唔多,而且豉油都俾得好少,要靠薑蔥蓉加味.而菜心只有一棵,比上次外賣少.

2. 鮮忌廉紅豆奶茶

食完個飯後至飲,紅豆夠腍同甜,好味,而奶茶只飲到淡淡o既茶味,相信係被忌廉沖淡,但後來試男友o既熱奶茶(上面描述),原來佢本身味道都係偏淡.
味道係2.91分

服務:
我o地諗好要咩之後,男友就叫一個執o左另一枱o野放低o既亞姐,亞姐應我o地轉頭.呢點冇問題,但最後冇兌現.

然後叫另一個,我o地其實開頭係想叫$46.00o既拿破侖腸片長通粉常餐同$42.00o既惹味排骨麵線常餐,但亞姐話12:00pm後至有. 係喎,係寫明,但去過咁多茶餐廳,我o地理解到,大多數o既常餐冇11:00am都11:30am開始供應,冇呢o度咁晏.而男友都即問埋散叫o既叉蛋麵(寫明全日供應),亞姐答要15分鐘.咁我o地話轉頭再落.

我o地唔明咩15分鐘,係15分鐘後至落得單定咩呢?我o既理解係落單後等15分鐘至煮好.然後我o地再睇清楚,決定要11:00am後有o既燒味午餐.於是又叫人寫單,男友嘗試叫同樣係全日供應o既$18.00厚多士,亞姐又同樣答15分鐘. 又咩o野15分鐘呢?整件多士又要15分鐘?攪咩o野?我o地又再諗諗至叫.而男友多次話走人,但我覺得唔係幾好,所以我o地最後要o左上面o既o野食.

我覺得佢o地講o野好唔清楚,忙還忙,但都要主動講清楚啲o野o掛.而我o地叫o左上面o既o野食後,都等成9分鐘,熱奶茶至到;再等5分鐘,燒味八寶飯到,4分鐘後鮮忌廉紅豆奶茶到埋.

由落單到燒味飯到o黎,都要15分鐘,斬燒味唔使咁耐o掛?其實呢o度係咪所有o野都要等15分鐘?>o<
3.5分

價錢:
之後我計計個燒味午餐,邊個飲品做餐中飲品較平,結果係加$8.00要鮮忌廉紅豆奶茶平啲,formula:餐$62.00,一杯熱奶茶要$15.00,即係$62.00+$8.00+$15.00+10%服務費(初一至初四收)=$93.50.

而如果以唔使加錢o既熱奶茶做餐中飲品呢,就會係:$62.00+$20.00+10%服務費=$90.20.

唔知佢o地會以公司定客人o既角度做出發點呢?

食物o黎齊後,佢o地至俾張單我o地,我睇睇,佢o地計o左$94.00(四捨五入),於是我問佢o地,可唔可以計返熱奶茶做餐中飲品?亞姐答如果咁,鮮忌廉紅豆奶茶係加$20.00個喎,我答知道,你咁計啦.佢答我出o左單改唔到,問我點解唔早啲講?(其實我唔知男友最後自己決定叫多杯熱奶茶飲至攪成咁=.=”)而且,佢o地啲o野食有咁多規矩同唔清唔楚,真係令我o地好煩,所以我都要請佢o地改.

佢就拎張單出去,之後冇o左影.到我o地食完碟飯.有個應該係Senior啲o既女侍應收碟,同同我o地講改o左張單o架喇,平$4.00.好的,唔該晒.

到食完我o地起身走人,佢o地就俾張單我,我睇睇,人手改成為$90.00.咁一路行出去時,啲亞姐個個都有講聲多謝,咁同男友條氣都順返啲.不過,下次都係唔好o係農曆年o黎幫襯為上.

============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong

============================================