今日(25-10-2013 Fri)放假,同男友後陪佢食o野至返工.諗去邊o度食,我o地搭車到荃灣後,男友話o係荃灣食,咁落車邊行邊搵.

原本想同佢試巧手坊,點知午市未開,就唯有再行,我記起未食過飯博士隔離o個間(成日唔記得個名).

我o地行到o黎就決定呢間喇,入到去,地方好大,有好多卡位,感覺都唔錯.

叫o野食喇,男友要$40.00o既紅腸油雞髀飯,加$2.00飲凍好立克;我要$40.00o既雞扒意粉配洋蔥汁,飲熱奶茶;亞姐即係叫我要同樣價錢o既雞扒煎蛋意粉,哈!唔該晒.

冇耐,男友o既紅腸油雞髀飯同例湯到o黎,

睇見份量都唔少,油雞髀上到色.我試吓油雞髀,皮夠味,雞肉都算滑,白飯o既豉油幾好味,令人可以食多啖飯;其他o既我就冇試.

之後兩杯o野飲到,

我先加一包糖落奶茶o度飲,質地幾滑,茶味係有但偏淡.

然後我o既雞扒煎蛋意粉到o黎,

雞扒唔覺有點煎過,唔太香口,不過算啦,但洋蔥汁味道好似過淡,唔係幾得喎.意粉就腍o左少少,但成個意粉都好熱.

而我飲埋杯奶茶,味道竟然同平時飲開o既唔同,男友飲吓,啊,應該用o左另一種茶葉,呢個澀啲.

雖然呢o度味道一般,但份量好多,多到男友食唔晒,我就夾硬食埋佢,建議可以設立叫少啲份量減啲錢.

環境:
除o左大同光猛外,佢o既卡位因為張枱一樣有櫃桶,而卡位同枱之間o既空間係o岩o岩好,所以,冷不防坐入去時,大髀撞到櫃桶.

服務:
撇開上述亞姐提醒我改要有煎蛋o既雞扒意粉,我同男友出去埋單時,一個負責斬燒味o既師傅行返出去做o野時,見布客行入o黎都會招呼一聲,係估唔到o既.

============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong

============================================