上回(http://www.openrice.com/restaurant/commentdetail.htm?commentid=2320366&tc=sr2&con=rvw)講o左”冰皮甜品美宴”月餅,今次講埋原價$120.00,員工價$115.00o既”冰皮芒莓濃情”月餅,上一篇講過,”冰皮芒莓濃情”有:雜莓,藍莓二重奏(藍莓黑莓雙滋味),芒果栗子同皇牌芒果各兩個.

16-9-2013(Mon)晚食完飯,就開呢盒食,我先試皇牌芒果,

今次切開唔係好黐刀,所以切開後都幾工整,賣相OK.

而睇到,中間o既芒果醬唔係好多,最多o既當然係綠豆蓉;而未食前都嗅到芒果味,食落,芒果味有啲假,冰皮係芒果加o左芒果汁搓,所以同樣食到芒果味,但同時食到撲o係外面o既粉味.至於綠豆蓉,亦食到輕微o既綠豆味.
味道: 2.8分

19-9-2013(Fri)朝早同男友起身後搵o野食,食完半島o既迷你奶黃月餅後,就搵埋冰皮月餅食,呢次先食藍莓二重奏,打開睇睇,淺紫色o既都幾靚,

再切開睇睇,

一樣係緑豆蓉加果醬,食落,藍莓味道好濃唔太甜,呢個比較好啲.
味道: 3.2分

24-9-2013(Tue)放假,朝早又唔想食早餐,於是又清冰皮月餅,今次我食雜莓,

切開睇,裡面o既樣都係一樣,

食落,中間雜莓果醬味,我食到o既係紅桑子味,又睇睇佢o既成份表,原來重話有士多啤梨,櫻桃同黑加侖子,再細心啲食,係食到黑加侖子味,其他o既,唔係好食得出.不過雖然係咁,但我覺得都幾好味.
味道: 3.5分

最後o係前晚(26-9-2013 Thur)食完飯後,都開埋芒果栗子o黎食,

切開時呢個好黐刀,

睇睇芒果醬唔多,食落,僅有o既芒果醬都食到芒果味,由於栗子蓉多,所以都食到栗子味,而佢都唔係太甜,正常o既.
味道: 3.2分

價錢:
當然呢篇計”冰皮芒莓濃情”月餅,人數係3個.

============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong

============================================