21-7-2013(Sun)朝同男友起身後,爸爸又叫我o地去買餸,男友又想買高達T恤,o係荃灣廣場有Chocolate,但冇早開吧,就晏一晏至落o黎呢頭附近食o野兼買啦.
我o地o黎到,原想去新斗記食雲吞麵,但原來唔係食雲吞麵,係食順德o野,咁唔食啦,落返去地下睇,見有兩家手打烏冬,其中一家o係新都會廣場食過,不如就試呢家丸亀啦.
我o地搵到喇,呢o度要先自己點o左鳥冬後,可以加其他小食,如天婦羅,壽司等,畀o左錢又可以自己拎多種醬油,蔥粒同薑蓉,重有可以自己加水,最後至搵位坐.
我同男友分別要$42.00o既大溫泉蛋烏冬,我要$44.00o既大沙律烏冬,然後我o地加$13.00o既海老天婦羅,$7.00o既茄子天婦羅同南瓜天婦羅各一,但由於天婦羅全部都未炸起,我o地要坐低等,之後有好多客人喇.
男友加o左蔥粒同薑蓉落佢o個碗溫泉蛋烏冬,我o地影好相就開餐.
我o既沙律烏冬,

烏冬夠冰凍同彈牙,麻油味好濃,已經覺得唔錯,青瓜絲新鮮清甜,大粒粟米卻唔夠甜,紅蘿蔔絲過硬,建議可以拖拖水整腍啲,而食到底,啲黑醋汁酸酸地之餘,都食到有少少辣味.
而男友o既溫泉蛋烏冬呢?

醬油味同樣夠濃,都好好味.
好耐,我o地o既天婦羅至到,

我o地就攤吓至食,男友食佢o既海老天婦羅,我先食南瓜天婦羅,好甜,但我唔覺意落多o左天婦羅醬油,就覺得太鹹,因為佢係好杰身o既.
而茄子天婦羅呢,大大件,都OK正常,天婦羅亦唔厚但好脆.
食完後,我向男友大讚南瓜天婦羅好食,佢話不如要多round掉轉o既,即係我要海老天婦羅,佢要另外o個兩樣,咁佢就買返o黎.
今天同樣要等,但點解係$34.00o既?今次拎到o黎,原來有兩件南瓜天婦羅,咁我食海老同一件南瓜啦.

前者o岩o岩夠熟,幾爽口,OK.後者我就食橢圓形o個件南瓜天婦羅,今次落少啲天婦羅醬油就冇咁鹹,呢個都甜但超薄切,大概只有2mm厚,厲害.
食完後,客人要自己將食物盤拎返出去,感覺同10年同男友o係北海道o既foodcourt一樣.
服務:
由於我o地算係第一批客人,所以天婦羅係未炸起,要等侍應拎畀我o地,但後來o黎o既食客人就即刻夾到有,o係我o地之前o既客人見到,就問職員點解我o地反而重要繼續等?
咁又係,點解佢o地炸起後,唔先畀’爭’人o地o既,而係放o係被人夾o既位置?
我o地走o既時候,由於人多同冇位,職員都攔住唔畀人買o野先,等到有位至畀.呢個安排都唔錯,因為通道唔係闊,食完同買o左o野o既客人都要拎個盤,咁樣會發生好多意外o既呢.
其他:
原來要天婦羅唔會有免費o既蘿蔔蓉供應,要畀$7.00買.

============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong

============================================