今(14-7-2013 Sun)朝同男友起身後,男友係咁諗有咩ｏ野節目,睇戲,o係怪獸大學同迷離夜兩套之間揀,最後決定睇後者,而開場時間係1:35PM,咁我o地先買飛至諗食咩o野.

買o左後男友提議食呢間半自助形式,自己排隊買飛同攞o野飲同牌仔,返埋位等食物.

我要$43.00o既娘惹麵線餐,餐飲由男友決定,佢買完後拎兩杯凍飲o黎,睇睇,兩杯都係跟餐要加$10.00o既特飲,一杯係菠蘿檸檬雜果特飲,一杯係蘆薈蜜桃茶特飲,

而男友o既餐係$48.00o既巴東牛肉黃薑飯.

我先飲啖菠蘿檸檬雜果特飲,味道好清新,係菠蘿果肉,椰果同蜜桃蒟蒻,檸檬雜果特飲,不過唔係o衣o家睇返個名,都唔知原來話有檸檬,不過呢杯係最解渴o既.
味道: 4.5分

而蘆薈蜜桃茶特飲呢,我只飲到淡淡微甜o既茶味,細細粒o既蘆薈果肉都幾多.
味道: 3分

女侍應先拎巴東牛肉黃薑飯o黎,

牛肉得兩件,試吓先,好o鞋同實,我覺得係煮過龍,但食到濃烈o既牛肉味;汁係微甜幾惹味,黃薑飯飯粒分明,唔太濕又唔太乾,味道亦夠,蝦片都脆口.
味道: 4分

然後我o既娘惹麵線到o黎,

驟眼睇顏色好靚,但望真啲,麵線已經唔係多,料就只係一隻半o既對邊蝦,應該只有一件o既切粒豆卜同1/4隻烚蛋,少得可憐 .食落,呢三樣o野o既味道都唔係好夠,而麵線口感幾爽,味道都食得出有椰汁,同甜甜地咁.
味道: 4分

食完之後又覺得可以食多一樣o野,就係o既傳統吐司餐,同樣由男友決定飲咩o野,佢買o左後,就拎半生熟蛋同凍奶茶o黎,我睇睇張單,個餐係$27.00,牛油咖椰同凍奶茶分別係$2.00,即係$31.00.

凍奶茶顏色比港式o既深好多,我先飲啖, 出奇地好滑,味道雖然淡,但茶同奶味都均勻,係好味. 亦睇唔出原來呢杯奶茶係由一個美少女店拉.
味道: 5分

o係等吐司o既時候,我o地先跟墊盤紙教,加黑豉油同胡椒粉落半生熟蛋o度

然後撈勻

杰豉油係帶甜,食落,唔....始終都係鍾意自己香港o既食法.
呢個唔評分啦,因為自己唔接受唔到呢種南洋風味而畀低分,會好唔公平.

然後到傳統吐司喇,

唔大件,有一片5mm厚o既牛油,多士烘得o岩o岩好,熱騰騰又脆,咖椰甜甜地,呢個係好食,有驚喜, 不過會唔會貴o左啲呢?
味道: 5分

服務:
一路都冇執隔離枱o既o野,甚至我舉手叫女侍應,佢都睇唔到,直至拎男友o既巴東牛肉黃薑飯o黎,佢見到至收.

環境:
有啲熱,我o地邊食邊飲o野,飲品都好快開始唔凍.

============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong

============================================