大前日(30-6-2013 Sun)同男友出到翡翠明珠廣場搵到六本木後就行陣先,行經佢話好食o既呢間睇睇啲糕點,佢話想買啲(其實我o地次次行經都話搵日試吓或買啲糕點返屋企食,但從未實行過),睇見啲名都大概知道係咩o野o黎,今次我唔阻止男友買,只同佢講我對$7.50o既斑蘭榴槤木薯糕有興趣,佢點o左後,我聽到職員話11件,$7X.00.





佢問職員使唔使放入雪櫃?職員答如果呢晚食就唔使,第二日至食就要.終於我o地都係留到前日(1-7-2013 Mon)食,我拎住o既時候嗅到榴槤味,返到屋企睇睇男友買o左咩o野:

$6.50一set o既椰蓉糍兩set,$7.50一件o既斑蘭榴槤木薯糕兩件

上左至右:斑蘭椰汁西米糕,龜粿綠豆沙,糯米加央,中右:粘米九層糕,下左:提子椰汁加央,下右:斑蘭芝麻糕

$6.50o既一件o既斑蘭椰汁西米糕兩件,$6.50o既龜粿綠豆沙,$6.50o既糯米加央,$6.50o既粘米九層糕,$7.50o既提子椰汁加央,$6.50o既斑蘭芝麻糕

男友先食斑蘭椰汁西米糕,佢大讚好食,好香椰子味,裡面有好多好甜o既粟米.而另一件我o地畀爸爸食.

然後食斑蘭榴槤木薯糕

斑蘭味好少,可能係榴槤味實在太強,被佢遮晒啦.而口感呢,有啲實,或者因為雪o左一晚而影響吧.

之後到椰蓉糍,男友話內裡係爆汁o既,所以我o地唔可以咬開一半o黎睇,我都食先.係,係爆汁,不過其實唔多,但唔知係咩o野味.

糯米加央,一邊綠色一邊米色,綠色o個邊係加央糕,米色o個邊係糯米,糯米煙韌味道亦好濃,而加央o個邊係冇糯米o既,而且口感唔同,加央味o岩o岩好.

到粉紅色o既龜粿綠豆沙,

男友切開睇,裡面有綠豆沙

糕點口感一樣有啲實,綠豆沙乾o左啲,好似遜色啲.

之後係提子椰汁加央,男友又食先,佢一咬落去就大叫juicy,點解juicy呢?原來係面有上有啲黃色o既汁,口感鬆啲,而味道,好似食唔到椰汁味.

而斑蘭芝麻糕我o地都冇食到,就咁成件畀爸爸食.

最後係粘米九層糕,呢個好濃椰香,都食到啲米味o既.

============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong

============================================