今(29-6-2013 Sat)朝同爸爸,男友o係5點幾起身返鄉下,由於時間太早,除o左麥當勞外,好多食肆都未開,爸爸原來想7:00am出到油麻地食早餐,但佢太肚餓喇,我o地行到o黎,見有客人坐o係o度,爸爸話開o左,我話係喎,呢o度有粥同炒麵食,佢就決定o係o度食,即刻坐低.
我又見到有雪菜肉絲米,就同佢講,佢就即轉呔要呢個,我o地問佢飲咩o野?佢答熱檸水.OK.
而由於呢個$23.50o既餐重有厚多士,蘿蔔糕同唔記得咩o野揀,我諗佢唔食厚多士,於是幫佢揀蘿蔔糕.
男友就要同樣係$23.50o既羅宋湯通粉,要厚多士,加$3.00要凍檸茶,我都要$23.50o既鮮茄餐肉通粉,厚多士,加$3.00要凍檸水,而呢三個餐全部都有腸仔煎蛋.
齊晒後,男友自動拎埋支家樂牌鮮露,齊晒食得,我o既鮮茄餐肉通粉,顏色淡淡,一睇就知唔會夠味,男友o既羅宋湯通粉好啲,有番茄同菜,而大家o既腸仔係烚,煎蛋細細隻.
我先食厚多士,腍o既,腸仔冇問題,煎蛋係半生熟太陽蛋,蛋黃味道濃,鮮茄餐肉通粉呢,果然係淡番茄味,而且,當我'撩'到啲火腿餐肉粒時,至幫返餐牌,原來呢個話有餐肉,但係好少,半塊都冇囉.
男友就話佢o既羅宋湯通粉味道都係淡o既.
爸爸都先食o左蘿蔔糕,腸仔同煎蛋,最後至食雪菜肉絲湯米,佢大叩好淡,支鮮露有用啦,佢即刻加o黎食.
而凍檸水都係正常,不過好似唔夠,或者因為太早,商場冷氣未開晒啦.
============================================
感謝 愛食 提供以上資料
愛食 的網誌: http://www.openrice.com/zh/gourmet/reviews.htm?userid=46226&city=hongkong
============================================
