前日(19-5-2013 Sun)朝同男友起身後,要落荃灣買好多日用品,10點幾,我o地邊行邊諗,o係綠楊新邨o既Euro Go Go,未開;南翔小籠包,未開;自家烏冬,未開;冬蔭公,未開.

不如試吓上星期日見到o既呢間,男友怕係冇冷氣,唔係啊,有冷氣o既.我o地o黎到見人頭湧湧,

不過都有堂食,而o岩o岩呢個時候,亞姐話拎走同堂食都先買飛,堂o既買完飛入去坐;拎走o既買o左飛o係另一邊等.

我同男友就睇門口o既餐牌,

要$23.00買件o既生煎包兩碟,$18.00o既上海雙檔,但亞姐話未有,只有中間o既咖哩牛肉粉絲湯,咁唔要啦,要埋$9.00o既凍玉米汁,我要$9.00o既凍老上海烏梅汁.

買好後我o地入去坐,地方細細,但好光猛乾淨,

一陣後,一碟生煎包先到,

原來佢size唔大,食吓先,肉汁豐富,皮真係薄,厚厚o既底部以半煎炸方法整到夠脆,餡又新鮮,男友讚口不絕.

我o地食晒一碟,其他o野都未到,我o地同個男人講,我諗佢會追啦,點知冇.

之後亞姐o黎問我,我畀張收據佢睇,話只o黎o左一碟生煎包,其他o野都未o黎.等多陣,兩杯o野飲到o黎.

我試吓男友o既玉米汁先,係有粟米味,不過淡淡.

而我杯老上海烏梅汁呢,味道明顯強烈啲,口感o鞋o鞋o既,兩杯輪住o黎飲會好啲.

之後我聽到個男o既終於同廚房講,我o地張單係要兩個生煎包,但另一個未有.個師傅睇睇張單至發現係,咁至畀埋另一碟我o地. =.=”

咁少客人但員工多多都可以咁亂.

味道分係3.6分,抵食係3.5分

============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong

============================================