20-4-2013 (Sat)朝,同男友起身梳洗後,落地下大堂o既呢間食包o左o既自助早餐,我o地o黎到坐低後,侍應即問我o地要咖啡定茶?男友就要咖啡,我就要茶,好快,佢返拎兩個壺o黎斟,我將一早放o係枱上o既淡奶加入茶,然後加半包糖,整出o黎o既奶茶淡到冇人有,都係自己拎第二啲o野飲好.

呢朝我o地食o左唔太多o野,不過都好飽,有:

薯餅,窩夫,法式多士,豬肉腸,茄汁焗豆,煙三文魚,粟米粒,車厘茄,

薯仔,男友大讚薯味好濃,好食.
芝士片,呢隻唔係好鹹,味道適中.

煙肉,炸過龍,硬.
豉油炒麵,過淡.
牛肉燒賣,乾o左.

最後我至發現有各種包類o係入口位置,佢整到好似賣精品o既飾櫃咁,我就夾o左相中呢幾件.

相中左面o個個酥卷,我以為裡面係吉士,但原來唔係,係朱古力,朱古力味道唔太甜,可以.

相中右面o個個,我估係蘋果卷,亦估佢有肉桂,冇錯,呢個係,肉桂落得太多,唔好食.

相中上方o既杏仁酥,微微甜,口感對版.

三種味道o既乳酪,藍莓,雲呢拿同菠蘿, 藍莓同菠蘿都有果粒,味道亦唔錯,而雲呢拿呢,味道好濃,但原來濃味雲呢拿係唔多好食,佢都係配返牛奶會好啲.

冇食到o既有:
中式湯河,蒸腸粉,叉燒包,白粥,鹹蛋黃,菜脯,炒飯,炒雜菜,

食物枱唔係好多同大,但都有齊中,西式食物, ,又有牛奶 / 豆奶+各種脆米自己配搭,都唔錯.

環境:
地方幾大,舒適,重有室外座位,不過我怕會落雨,而且….都係冇坐出面.

============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong

============================================