19-4-2013 (Fri)傍晚,同男友食完譚家魚翅後,繼續掃街,而我堅決要搵到呢間食好多特別味道o既木糠布甸,所以睇住地圖搵地堡街.終於發現佢喇,但佢毫不顯眼,稍為眼大一定會錯過. =.="

我揀o左榴槤木糠布甸,男友揀藍莓流心布甸,呢兩個都係MOP16.00,男友再加個MOP15.00o既原味冰火布甸.

原味冰火布甸要等佢整,等到喇,我o地終於有得食.

我先食我o既榴槤木糠布甸,

榴槤味幾香又唔太甜,面層o既木糠'粉'好細滑.

然後試男友o既藍莓流心布甸,

藍莓味唔太濃,

食好耐都未食到中間流心餡,終於食到,只係好細撮o既朱古力流心,朱古力唔太甜,o岩o岩好.

最後食原味冰火布甸,

被燒過o既面層蛋白又暖又脆,食到入面凍凍地咁,幾得意,口感又豐富.

而以上全部都係硬布甸,係可以慢慢歎,不過如果睇到我描述環境,就知我o地點樣食,咁樣我就唔敢慢慢食啦.

服務:
好一般,我o地買完晒都唔自動畀膠匙我o地,我咁o岩有個女仔訂布甸,但都唔係唔自動畀,要人問至畀o掛?
而且我o地坐o係間舖食o既時候,一班學生o黎買,佢就識問人o地要軟定硬,冇問我同男友,攪到我o地冇食埋軟o既口味,呢樣唔係好得,我覺得佢o地存心賺遊客多啲錢.(同樣經驗o係之後幾間都領教到.)

環境:
完全唔掂,大大間舖,只有個只佔約三份一空間o既凍櫃同幾張圓凳,完全冇枱,相中o既'枱'係佢o地買o左返o黎,未拆箱等裝o既大金分體式冷氣機而已,有種坐o係路邊食o野o既感覺,完全當客人係乞兒.

味道分係3.66分

============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong

============================================