今(24-1-2013 Thur)日請病假,男友同我睇完醫生後去食o野,佢有時間,就飲茶啦.

我o地o黎到,剔o左:

2. 炸釀蓮藕餅(中點$11.80)

男友見到呢個懷疑唔係蓮藕餅,因為冇一整片o既蓮藕,我食落,係有蓮藕,只係切o左粒撈埋o係鯪魚肉入面.男友話咁都得?我話咁樣做可以慳o左唔少蓮藕.不過o衣o家睇返個名,話明係釀蓮藕餅,就唔應該咁.

而呢個就鯪魚肉比例有好多,而個餅唔係厚,蓮藕味唔係好食得出,一般吧.

3. 千絲蘿蔔酥(大點$14.80)

由於兜o左個大圈(詳情請睇服務欄)至到,所以呢個凍晒,內裡o既蘿蔔絲係有好多,不過唔甜,酥皮唔厚唔漏,OK.

1. 鮑汁金錢鵝掌(大點$14.80)

嘩!好大碟啊,但當我夾o黎食時,原來只有兩隻斬開o既鵝掌,下面墊o左椂柚皮.

鵝掌夠腍,椂柚皮都係亦冇渣好入味,不過我唔鍾意食椂柚皮,所以只食o左細細件o既.

5. 馬蹄牛肉腸(大點$14.80)(張相影衰o左)
呢個都係大點,有冇攪錯?食落,味道都係正常,不過冇馬蹄粒喎,食完後男友話果然係香茜牛肉腸,好有芫茜味.我話呢個唔係香茜牛肉腸喎,咁就真係好失敗啦.

4.$9.80o既時菜鯪魚球

呢個係我o地10點左右落完單,到食完上面4樣o野,已經係10點9左右都未到,然後催一催至有.

由於o岩o岩蒸好,所以好熱,鯪魚唔彈牙,好彩未霉,呢個都係一般吧.

服務:
我o地等o野食時,見亞姐拎蓮藕餅去對面枱,對面枱話未剔o野食,唔係佢o地o既,我就懷疑o野食我o地o既,因為我o地o既枱號只差前面o個個數字,不過我同男友講,睇埋下一樣係咪我o地叫o既o野先.

之後見到亞姐拎千絲蘿蔔酥去對面枱, 對面枱同樣答未叫o野食,咁即係係我o地o既.我o地就出聲話佢o地入錯枱號,佢o地攪清楚,之後啲o野食就拎返過o黎喇.

不過當拎馬蹄牛肉腸o黎時,個亞姐話我o地轉o左枱.我即刻澄清,我o地從未轉過枱,係你o地入錯單.亞姐至話,啊,係,同事成日入錯.

我o地催鯪魚球時,侍應話係即叫即做,要等30分鐘.我同男友都話如果真係即叫即做,咁其他o個啲又點解咁快到?信你一成都死啦,根本就係儲單一次過蒸,真係當人傻傻地.

呢餐連$5.00一位茶錢同加一,合共$83.50.
味道分係2.56

============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong

============================================