19-10-2012(Fri)放工後再去睇大哥,呢日男友又就到時間一齊,去到爸爸同大嫂都o係o度,有耐大嫂妹妹又到,之後因大嫂唔開心,佢就同佢妹妹先走,我就同男友,爸爸一齊走去食飯.

又諗食咩o野,男友講笑話醉瓊樓,今次到爸爸眼凸凸.哈哈!

男友話大牌檔,我o地就可o黎呢o度,一入去,第一檔o既店員已經熱情地幫我o地拉開膠冚,我o地唯有坐低幫襯.

我o地叫o左:

2. $40.00o既鯪魚球生菜煲

生菜一睇就知道好少,味道全部對版,對版o既意思係都食得出各種食材本身o既味道,不過生菜烚得太耐,腍晒啦.而o個啖湯真係好清,冇落其他調味料乜濟.
味道: 3分

1. $55.00o既油泡田雞

原先同爸爸o係呢個同$50.00o既薑蔥蒸田雞中揀一個,不過我話出o黎食o野,食啲自己唔多整o既,所以揀o左呢個.點知o黎到,覺得唔似油泡,食落,真係冇.根本只係炒,重要係冇鑊氣,有被騙感覺.田雞髀大大隻可惜唔夠味,寧願食骨位,因為有味.
味道: 1.3分

3. $30.00o既叉燒炒麵

叉燒有瘦亦有半肥瘦,不過唔會用最靚o既叉燒o架啦,所以味道一般,而炒麵呢?都脆,不過啲汁唔夠味,攪到好難食.
味道: 1.3分

兩碗白飯
上o左第一個菜後,爸爸就叫兩碗白飯,白飯o既樣都OK,白雪雪而且大碗,我就因為要清o野食,所以冇食白飯,只係試唔夠一茶匙,軟硬度適中o既.

服務:
o係落單時我係叫埋兩支可樂,但遲遲未到,我見張單寫o左40,55,30同24,就覺得佢落o左單,但冇攞o黎,於是叫另一個攞.到埋單,因為叫白飯時,二姐冇寫上去,男友就提個亞叔,話白飯未寫,亞叔就話汽水都未寫.24只係枱號.

其他:
餐牌明明係桃園,但食物就唔係桃園出品,因為桃園o既多數係潮州打冷,而且我o地見啲菜由後面源記海鮮o個邊拎出o黎,但唔肯定係咪源記出,咁係代表桃園同其中一家係合作夥伴,但呢篇食評寫o係呢o度,對桃園可能唔多公平,但我都冇辦法.

呢餐埋單共$155.00

============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong

============================================