之前約定男友尋日(26-11-2012 Mon)同今日放假,安排o左尋日去探女友人RC同佢幾個女大o既女,佢提議o黎呢o度食lunch,OK.

我o地行o黎時打畀佢,佢叫我o地搵定大啲位等佢,OK.o黎到,其實都冇乜大o既位,,咁o岩有四人枱,我o地就坐埋去.我同男友都先諗定食咩o野,男友要$42.00o既午餐B,滑蛋雞飯,有沙律,日式蒸蛋,味噌湯同滑蛋親子丼飯,我就要同樣係$42.00o既午餐C,同樣有前三樣,而飯係日式咖哩牛脷飯.

我o地諗定後,亞姐即刻走o黎問我o地好唔好叫o左o野先,咁我o地就叫啦.

好快,我o既餐即刻到齊,男友o既o黎到,影好相冇耐,RC終於抱住個女o黎到,佢都叫男友o個個午餐.

咁我同男友食先喇,睇吓個沙律?

大碟到吖,而且只係普通o既青瓜螺肉,青瓜粒雖然爽口但好細粒,螺肉一樣都係好細粒,口感雖然對版但覺得孤寒.

然後到日式咖哩牛脷飯,

厚切牛脷得四片,全部都好腍,日式咖哩夠杰,不過都知日式咖哩係唔辣,而配菜呢?都睇到只有一件紅蘿蔔.飯都開始凍,亦唔夠粘.

然後到日式蒸蛋,

蛋係滑,內裡o既料亦依足日式蒸蛋o既,有冬菇,蟹柳同唔記得o既o野.

最後係味噌湯,

都係開粉味噌湯,唔係太鹹,可以啦.

食食吓,我睇見男友碗飯有豆腐o既?佢答佢將蒸蛋加落啲飯o度,因為啲飯好乾.而RC開頭撈啲飯話冇問題,但食到一半佢都要加蒸蛋落去,原因係一樣.男友之後重話想連味噌湯都倒落去.

服務:
初初我o地話三個人有人個BB,亞姐好擔心問冇BB車個呵?我o地答冇,因為呢o度冇位擺?佢答係.

而之後剩返RC一個食,我幫佢抱住個女,佢o岩o岩食完o野,湯都未飲,亞姐就收晒啲o野,湯都未飲完就叫我o地埋單,因為有人等位.我o地畀o左錢,RC話茶都未飲,飲埋先得唔得?

我覺得唔係好得囉,雖然你有客等,但我o地又唔係客人咩?我o地都由頭到尾冇諗過食完要坐o係o度傾偈,我o地食完係會去RC屋企坐,爭o個啲啲就o係o度催,好唔得囉.

味道係2.7分

============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong

============================================