24-9-2012(Mon)正日生日繼續放假,同男友去海洋公園玩,先o黎好耐冇食,星期日唔見開門o既呢間.

o黎到,因為係平日同都晏,冇乜人,睇睇餐牌,揀o左好耐,我要$22.00o既鹹牛肉奄列餐,有牛油多士同田園菜蔬,要熱奶茶.男友要$20.00o既羅宋湯米粉,加$2.00要凍奶茶.

兩杯o野飲先到,

先試吓男友o既凍奶茶,嗯,味道唔差 奶同茶都夠.之後加一茶匙糖落我杯熱奶茶飲吓,嘩!同凍奶茶咁大分別o既?又係奶唔夠?有苦味,不過佢又唔’o鞋’喎,點解凍飲同熱飲有咁大分別?

然後男友o既羅宋湯米粉到o黎,

佢食o左幾啖大讚好食,話原本會覺得怪,但原來效果咁好,可能因為米粉幼身,掛到更多湯,所以好味啲同開胃.

而我o既鹹牛肉奄列o黎到,田園菜蔬得兩片青瓜同一片蕃茄,鹹牛肉奄列一睇就知係熟透晒,

食落,蛋好乾啦,鹹牛肉正常,

食完呢個件牛油多士都重未到,我睇睇,終於整好放o係枱o度等樓面拎畀我,但兩個樓面成日有意無意間睇唔到,我真係想叫佢o地拎o黎.

終於個男o既見到拎畀我,件牛油多士黐實o左,唔係講假,真係連掰都掰唔開.食落,牛油應該都塗得夠,因為都甘香,不過唔太脆,但咁都好,冇咁熱氣.

味道分係3.66分.

============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong

============================================