今(12-8-2012 Sun)朝同男友起身後陪佢食早餐,由於佢有啲唔舒服,我又有啲熱氣,佢就話食粥,嗯好啦,o黎呢間.
我要$18.00o既腸蛋通粉,加$2.00飲凍奶茶,男友要$16.00o既艇仔粥同腸粉.
好快,男友o既到齊,睇見腸粉o既份量少到可憐,只有兩排,好似乞食咁.
然後我o地都到齊,腸蛋冇乜問題,但通粉就太腍,攪咩o野?佢重夾雜o左啲麵條,男友話茶餐廳係咁喎,但……我好耐冇食到夾埋其他o野o既通粉啦.而凍奶茶口感中規中矩,今次明顯甜啲.
今次味道分只計我o既食物,因為男友冇乜講佢o既o野食.
服務:
開頭我o地坐o係張圓枱,趁冇人理o既時候諗食咩o野,諗到後男友叫人,老闆應一應話等陣,之後太子女就應我o地,叫完o野,後面張卡位有人走,於是趁o野食未o黎就轉枱,然後太子女拎粥同腸粉o黎,男友都好有禮服咁同佢講轉o左枱,]點知個
太子女竟然講聲:’又轉.’咩又轉呢?我o地幾時成日轉枱呢?你o地都唔興寫單只叫,而且又未開單,攪亂你咩o野呢?
好心講句轉o左枱反而被你話.轉o左枱你o地都冇人收上手飲剩o既茶,亦都冇畀茶我o地,雖然我o地可能唔飲,但都唔係咁o掛?個個都畀唯獨是我o地唔畀.
其實上次o黎食我都已經唔寫食評;重有一次男友靜雞雞同老闆講佢o地o既筷子有問題,我都冇寫出o黎,(呢次都係唔講出o黎),反而得到越o黎越差o既服務,我唔係要求佢o地有五星級服務,但基本對客o既禮貌同服務應該有.
唔係迫於無奈都唔o黎呢o度食.
============================================
感謝 愛食 提供以上資料
愛食 的網誌: http://www.openrice.com/zh/gourmet/reviews.htm?userid=46226&city=hongkong
============================================
