之前約o左女友人EL o係尋日(13-4-2012 Fri)食晚飯,佢山長水遠由香港仔走o黎葵芳行街,我o地行o左一陣,佢就話食o野先.

好吖,我o地經過見到呢間就試吓,我一坐低就叫到有糖醋肋骨,就同EL講要食,佢睇餐牌,$168.00o既二人套餐o既C餐o岩o岩有糖醋肋骨,哈,好啊.呢個餐有賽螃蟹,油豆腐粉絲湯同白或菜飯兩碗,同高力豆沙.而EL想飲酸辣湯,我就試吓問可唔可轉?老闆答可以.咁我o地就叫呢個餐.

侍應問我o地要菜飯定白飯?EL好快答菜飯.然後又問我o地要小籠包定窩貼.乜原來重有o野o既咩?EL答小籠包,

一陣之後,酸辣湯先到,

材料有木耳絲,筍同豆腐,入口熱辣辣,好燙口,酸辣味都幾均勻,不過因為太熱,所以我都係攤吓佢先.

等o左個幾字,小籠包到o黎,一客5隻,

點解係單數?話明二人餐,應該畀雙數嘛.小籠包都幾大隻,睇外表有啲乾,食落,又係熱辣辣,裡面有肉汁,皮唔乾,可以.

10分鐘後其他三樣o野都到o黎,

賽螃蟹有啲菜圃,蛋白清新.

菜飯大大碗又濕潤,冇乜問題.

而糖醋肋骨好夠味,又係熱辣辣,酸甜味亦足.

我o地兩個食唔晒咁多,樣樣都剩一半,係估唔到o既,我就將賽螃蟹同糖醋肋骨拎走.

EL就叫上甜品,等o左一陣都到o黎喇,

一咬落去都係熱辣辣,蛋白好清,但豆沙餡太少,大概只有一個五蚊銀咁多.

服務:
好好,好有禮貌,開頭原本我o地被安排坐一張卡位,但只可坐一邊,但侍應因要就早過我o地o黎o既6個客人,所以要我o地坐入面o既一卡位,我同EL講應該要坐埋一邊,但過o左一陣,見冇人叫,於是我就分返開坐,而老闆聽到都話可以分開坐.

不過之後真係有客人o黎,我o地都係要坐設o係一邊啦.

拎張單去埋時,收銀收我$169.00,其實我有啲愕然,不過冇問,佢就主動同我confirm我係咪要o左一個外賣盒?啊,原來係外賣盒o既價錢.

味道係3.4分

============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong

============================================