尋日(9-4-2012 Mon)復活節公眾假期最後一日,男友被安排o係呢日放假,趁同佢可以同一日放假,就同佢去深水埗夾手夾腳快快整o野,我o地去西九龍中心買o野,都晏晝兩點幾,佢竟然話肚餓要食o野,唔係o掛?朝早o係屋企食o左好多滷水食物囉喎,我都唔肚餓.

算啦,畀佢食,最多我食少少,o黎到呢o度,佢原本想食韓點,但我o地上次咪食過囉,又食?咁佢就o係o度買o野食,佢o係間檔面前等o左好耐,都成10分鐘至整好畀佢,睇睇有乜o野?只有三樣o野,就係一罐雪碧,一件分半o既卡巴卷同一碗白雪雪唔知乜o野o既o野,佢話o個碗係土耳其乳酪,而件卡巴係雞肉卡巴.

佢試一啖乳酪,話好似司各脫乳酪,我應該接受唔到.唔係o掛?我試吓先,哈哈,冇司各脫o既鯹味,我覺得酸同’o鞋’,麻麻咁囉.

之後食啖卡巴,辣o既?男友話土耳其食物係辣o架啦,係咩?我同佢幾年前o係尖沙咀Ebeneezer’s食o既唔辣個喎(o個個食評: http://www.openrice.com/restaurant/commentdetail.htm?commentid=1976027).而好少o既雞肉烤得唔係好香口,成個卷就菜多過肉,卷皮有啲煙韌,我食o左兩啖就唔食,畀返肚餓o既男友食吧.

然後又食返乳酪,因為佢o地畀o左一包砂糖,男友就加o左落去,唔知係包糖o既化學作用,抑或係食完辣卡巴再食乳酪o既舒緩作用?覺得乳酪冇咁難食,不過我都係食少少,畀返男友食啦.

價錢:問男友呢三樣o野幾多錢?佢答$4X.00.

============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong

============================================