今(29-4-2012 Sun)朝男友要去佐敦接佢上海女同事A食早餐後做o野,我就跟埋佢o黎.原來佢重有兩個朋友一齊,我o地一行5人o黎到呢o度食早餐,佢o地食比較有特色o既米線餐,男友要$31.00o既按摩豬扒餐,有煎蛋通粉,加$2.00飲凍檸茶.我就要$30.00o既雞扒火腿煎蛋早餐,要蒜蓉包,但老闆話o岩o岩賣晒,最後一件有人要o左.咁我要牛油方包,飲熱奶茶.

好快,o野食陸續到o黎,我只加一茶匙糖到熱奶茶,甜度就o岩o岩好,奶茶夠滑又夠熱,茶味唔算濃.

而雞扒火腿煎蛋配牛油方包呢,初初我以為係男友o既按摩豬扒,之後老闆又拎另一碟扒o黎,話畀我o地知呢碟至係按摩豬扒,雞扒冇咁好食.我完全分唔出,因為件雞扒被炸到好深色.

咁我先食雞扒,雞扒幾薄同幾乾,食落,係幾硬又鹹,麻麻地,而其他o野食都冇乜問題.

之後試男友o既按摩豬扒,

係好鬆軟,有啲咖哩味.老闆話按摩豬扒真係有揼鬆同按摩,所以食好食啲.

而男友o既女同事A試o左佢同行男友人o既普通豬扒,大叫好硬,我就同佢講老闆o岩o岩咁講,男友就同佢o地交換一件,我問A係咪真係好食啲?佢答係鬆軟啲.

而其他o既我都冇問佢o地評價,所以呢次味道分我只就熱奶茶,雞扒同按摩豬扒畀分,同埋雖然老闆好客好好傾,但sorry,我真係要講真話.

============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong

============================================