13-2-2012(Mon)約好男友o黎我屋企食飯兼會瞓,之前佢放底o左啲煙三文魚o係我屋企,咁我放工就幫佢買方包,畀佢第二朝夾三文治食,我經過呢o度睇吓有冇,呢o度冇麥方包,取而代之o既係唔知咩o野子方包,好似好健康咁,半磅好似$4.00,就買半磅啦.

返到屋企先知男友臨時有事要返屋企,就冇過o黎,咁我第二朝食兩片當早餐啦,

其實同方包冇乜大分別,因為啲穀子唔係咁多.

其實呢次買o野,我覺得放工後o黎幫襯比朝早幫襯更受氣,個亞伯更加冇禮貌,更加黑口黑面.心諗,佢o地啲態度咁差,就算房協唔收返呢o度o既舖,佢o地都唔知做唔做得住.
服務: 1分

而o係20-2-2012(Mon),因為我知道自己o既飯盒份量比較細,而且有啲傷風,可能須要食藥,所以返工經過時買個麵包先,o黎到,我揀o左一個$3.50o既蒜蓉包,又見有$3.50一個o既紙包蛋糕,買o黎請公司姐姐食吖,咁就買o左兩樣o野.

我拎走時,發覺個袋有啲暖o既?原來個紙包蛋糕係o岩o岩出爐o既,返到公司我就畀o左人先,

而蒜蓉包就等到4:00pm至食(原來我都唔肚餓),蒜蓉包唔係咁夠味,好彩麵包都重係鬆軟.

而今次服務呢,忙得團團轉o既女職員開頭係行開o左執o野,見我行去畀錢,佢就主動話o黎o緊,收o左錢重有講多謝,真係奇聞啊.
服務: 5分

其實,我係唔想寫呢兩個咁簡短o既食評,只因短時間內再幫襯一次,而且態度又180度轉變,所以至夾埋o黎寫.

============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong

============================================