尋日(28-10-2011 Fri)o係大陸上網,見到有呢間o係荃灣o既食評,就睇吓o係邊o度,但openrice o既地圖顯示唔到,好彩ryu_ng o既食評相有大廈o既倒影,都估到位置o係邊.而食評中提到新開張買一送一o既優惠只做到今日,到夜晚返到荃灣,我竟然唔記得行o黎買.
幸好男友放工放得晏(苦中作樂),佢可以o黎呢o度買o黎我屋企當加佢o既餸.佢o黎到時差唔多10:00pm打畀我,話有幾個人排o緊隊,除雞蛋仔外,重有格仔餅同咩紅豆餅,我叫佢揸主意買乜o野.之後,等o左好耐好耐,佢至o黎到我屋企,我睇睇,有捲o左o既雞蛋仔同格仔餅,我問佢買唔同o野?佢話問過可以要唔同o既o野喎.啊,佢真醒目,咁就唔會咁悶只係食一樣o野啦.
影好晒相,
![裝格仔餅o既紙袋 - 荃灣的利強記北角雞蛋仔)]( "裝格仔餅o既紙袋 裝格仔餅o既紙袋")
![大大件格仔餅 - 荃灣的利強記北角雞蛋仔)]( "大大件格仔餅 大大件格仔餅")
我先食格仔餅,格仔餅好厚,餡係花生醬,砂糖同鍊奶,但都流o左唔少到紙袋,
![流o左餡o既格仔餅 - 荃灣的利強記北角雞蛋仔)]( "流o左餡o既格仔餅 流o左餡o既格仔餅")
![好厚o既格仔餅 - 荃灣的利強記北角雞蛋仔)]( "好厚o既格仔餅 好厚o既格仔餅")
即使男友話個男店員好好心幫佢打平放o係膠袋o既底部,不過冇辦法啦,鬼叫要搭車咩?搭車一定會整瀉,冇理由叫男友行路o架.
餡料係甜,好味,但格仔餅雖然好厚好抵食,但o係啲餡流走o既情況下食,會變得冇味,雖然仍軟身同暖暖地.呢次餡料比上次我o係北角食o既多,不過件餅咁厚,餡料梗係要多返啲啦.
而男友話以前格仔餅o既餡唔會咁樣流晒出o黎個喎.
上次食評: http://www.openrice.com/restaurant/commentdetail.htm?commentid=2070368
食o左半件,我就交畀男友,接力食佢食o緊o既雞蛋仔,雞蛋仔一邊烘到燶燶,
![燶o個邊o既雞蛋仔 - 荃灣的利強記北角雞蛋仔)]( "燶o個邊o既雞蛋仔 燶o個邊o既雞蛋仔")
![冇咁燶o個面o既雞蛋仔 - 荃灣的利強記北角雞蛋仔)]( "冇咁燶o個面o既雞蛋仔 冇咁燶o個面o既雞蛋仔")
![捲o左同定o左型o既雞蛋仔 - 荃灣的利強記北角雞蛋仔)]( "捲o左同定o左型o既雞蛋仔 捲o左同定o左型o既雞蛋仔")
一邊就冇咁燶,食落已經凍晒但仍脆,而脹卜卜o既位就鬆軟,只可惜蛋味唔濃,我見男友食晒格仔餅,就將雞蛋仔蘸格仔餅流出o黎o既餡食.
服務:
由於即叫即整,真係要等好耐.
男友話個男店員好talk得同好攪笑,佢話遠遠都嗅到雞蛋仔香味,男店員話係呀,重香到我屋企添呀!我日日係咁整,成身都係呢啲香味.男友話好爛呀!哈哈)))))))
其實味道係3.5分.
============================================
感謝 愛食 提供以上資料
愛食 的網誌: http://www.openrice.com/zh/gourmet/reviews.htm?userid=46226&city=hongkong
============================================
